Illa Sačkoŭ, fota TASS
Pieratrusy prajšli ŭ miežach kryminalnaj spravy, pavodle jakoj zatrymany zasnavalnik i hiendyrektar kampanii Group-IB Illa Sačkoŭ. Jon adpraŭleny ŭ SIZA. Sud 28 vieraśnia sankcyjanavaŭ jaho aryšt na dva miesiacy. Sačkoŭ padazrajecca ŭ dziaržaŭnaj zdradzie, paviedamlaje meduza.io.
Taksama nie ŭdajecca źviazacca z suzasnavalnikam i techničnym dyrektaram Group-IB Dźmitryjem Vołkavym.
Group-IB — adna ź viadučych rasijskich kampanij u śfiery kampjutarnaj biaśpieki. Kampanija z 2003 hoda zmahajecca z kibieratakami i anłajn-machlarstvam i rasśleduje vysokatechnałahičnyja złačynstvy. Siarod klijentaŭ kampanii Śbierbank, Alfa-bank, «Miehafon» i «Rastech». Taksama Group-IB supracoŭničaje ź Interpałam i rasijskimi siłavymi strukturami.
U 2018 hodzie Group-IB adkryła pradstaŭnictva ŭ Biełarusi. Uviesnu 2020 hoda AAC siertyfikavaŭ pradukt Group-IB — sistemu rańniaha praduchileńnia kibierpahroz Threat Detection System.
