Užo z 1 kastryčnika płanujecca pačać ramont defarmacyjnych švoŭ na puciepravodzie na trecim uzroŭni raźviazki praśpiekt Dziaržynskaha i praśpiekt Žukava.

— Heta zbudavańnie adkryli 11 hadoŭ tamu, i ciapier naśpieła nieabchodnaść ramontu. Defarmacyjnyja švy ŭžo razburajucca, zaciakajuć, pačynaje razburacca ryhielnaja sistema mastavoha zbudavańnia. Dla abnaŭleńnia pryjdziecca na paru tydniaŭ zakryvać papałosny ruch na abjekcie.

Čynoŭnik adznačyŭ, što pracy prynosiać peŭny dyskamfort aŭtamabilistam, ale inakš nielha pravieści jakasny ramont zbudavańnia.

— U śniežni płanujem pačać rekanstrukcyju bujnoha puciepravoda na praśpiekcie Žukava ŭ rajonie stancyi Minsk-Tavarny. Raspracavana prajektna-kaštarysnaja dakumientacyja, užo pravodziacca tarhi pa vybary padradčyka, — dadaŭ Hlinski.

Pavodle słoŭ kiraŭnika Harramaŭtadara, hety ramont budzie skončany ŭžo ŭ nastupnym hodzie. Usiaho ž u hetym hodzie ŭ stalicy byli adramantavany kala 10 puciepravodaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0