Hety vypadak adbyŭsia 24 maja na nastupny dzień paśla incydentu z rejsam «Rajanejr» Afiny — Vilnia, jaki byŭ pasadžany ŭ Minsku. Mer horada Marcińš Stakis i ministr zamiežnych spraŭ Edhar Rynkievičs zamianili dziaržaŭny biełaruski ściah na bieł-čyrvona-bieły.
Fota z fejsbuka Marcińša Stakisa
«Siarod ściahoŭ čempijanatu pa chakiei my padymajem ściah svabodnaj Biełarusi! Hety ściah mnie davieryli palityčnyja ŭciekačy ź Biełarusi» — zajaviŭ tady mer stalicy Łatvii.
U adkaz na heta aficyjny Minsk vysłaŭ pasła Łatvii i bolšaść supracoŭnikaŭ ambasady, taksama była zaviedziena kryminalnaja sprava była raspačata pa č. 3 art. 130 (raspalvańnie nacyjanalnaj varožaści pa prykmiecie nacyjanalnaści).
Jak raźvivajecca situacyja pieršy namieśnik staršyni Śledčaha kamiteta Aleh Šandarovič raspavioŭ u intervju BiełTA.
«Praviedzieny nieabchodnyja pracesualnyja dziejańni. U druhoj pałovie lipienia my nakiravali ŭ adras łatvijskich kaleh prośbu ab ŭručeńni hetym słužbovym asobam apaviaščeńniaŭ, zhodna ź jakim jany pavinny źjavicca na dopyt u Śledčy kamitet. Da apošniaha času jakoha-niebudź adkazu atrymana nie było. U suviazi z hetym 20 vieraśnia pa ŭstanoŭlenaj miždziaržaŭnymi damovami pracedury my paŭtorna adpravili prośbu ab dopycie łatvijskich słužbovych asob pa dadzienaj akaličnaści, ale ŭžo na terytoryi Łatvii.
Aficyjnaja reakcyja pastupiła litaralna na dniach.
U adkazie na naš zapyt łatvijski bok pakazaŭ, što nie moža vykanać zapyt i što dziejańni łatvijskich słužbovych asob utrymlivajuć tendencyjnyja acenki vyklučna palityčnaha aktu, jaki ni ŭ jakim razie nie maje na mecie źniavažyć nacyjanalny honar i hodnaść biełarusaŭ, a tolki dekłaravać prychilnaść raźvićciu palityčnych svabodaŭ u hramadzianskaj supolnaści», — raskazaŭ Aleh Šandarovič.
«Padobnyja dziejańni ŭ adnosinach da dziaržaŭnych simvałaŭ u luboj krainie ciahnuć za saboj adkaznaść. Niepavahu da dziaržaŭnaha ściaha, hierba abo himna prynižaje i abražaje toj narod, jaki hetyja simvały ŭvasablaje. Vyklikaje ździŭleńnie, jak słužbovyja asoby takoha vysokaha ŭzroŭniu mahli ździejśnić padobnaje bluźnierstva, jakoje da taho ž było apublikavana publična», — dadaŭ Aleh Šandarovič.
