Leanid Sudalenka padzialiŭsia ŭ liście dumkami pra svajo źniavoleńnie, paviedamlajuć pravaabaroncy:
«Ja ŭžo straciŭ i straču na budučy čas svabodu, ale zastajusia z hałoŭnym — svaim sumleńniem i praŭdaj. A ź imi lubyja vyprabavańni nie strašnyja. Usio prachodzić — i heta projdzie. Ja dvaccać hadoŭ zajmaŭsia abaronaj pravoŭ inšych ludziej i ŭ strašnym śnie nie moh ujavić, što hetuju dapamohu pieratvorać u kryminał».
Sud nad Leanidam Sudalenkam i vałanciorkami arhanizacyi «Viasna» Taćcianaj Łasicaj i Maryjaj Tarasienka pačaŭsia 3 vieraśnia, a zatrymanyja jany byli ŭ studzieni.
Usich ich vinavaciać u arhanizacyi i padrychtoŭcy dziejańniaŭ, što hruba parušajuć hramadski paradak (č. 1 art. 342 KK), navučańni i padrychtoŭcy asob dla ŭdziełu ŭ takich dziejańniach, a taksama ich finansavańni abo inšym materyjalnym zabieśpiačeńni (č. 2 art. 342 KK).
