26 vieraśnia kala 14:30 49-hadovy kiroŭca fury, ruchajučysia pa 19-m km MKAD, urezaŭsia ŭ spadarožnyja aŭtamabili Citroen, Honda i Mercedes. U Citroen, jaki zahareŭsia, zahinuli čatyry čałavieki.
Kiroŭca, 38-hadovaja žančyna, i troje pasažyraŭ — 61- i 30-hadovaja žančyny, a taksama 41-hadovy mužčyna — pamierli na miescy zdareńnia.
Pasažyr aŭtamabila Honda, 10-hadovy chłopčyk, z atrymanymi cialesnymi paškodžańniami špitalizavany ŭ adnu z balnic Minska.
Jak udałosia vyśvietlić śledčym, padziei raźvivalisia nastupnym čynam. U siaredniaj pałasie ruchu z-za pałomki spyniŭsia Mercedes. Kiroŭcy aŭtamabilaŭ Citroen i Honda spynilisia za im, sprabujučy abjechać pa susiednich pałosach ruchu. Kiroŭca ž fury, nie paśpieŭšy zatarmazić, sutyknuŭsia z tryma zastyłymi na pałasie aŭtamabilami.
U dačynieńni da kiroŭcy aŭtaciahnika zaviedzienaja kryminalnaja sprava pa č. 3 art. 317 KK («Parušeńnie praviłaŭ darožnaha ruchu, što paciahnuła pa nieaściarožnaści śmierć dźviuch i bolš asob»). Šafior zatrymany, ź jaho ŭdziełam pravodziacca śledčyja dziejańni.
