U ES cituacyju na miažy ź Biełaruśsiu aceńvajuć jak «vielmi surjoznuju». Pra heta zajaviła Nina Hrehary, vykanaŭčy dyrektar Jeŭrapiejskaha ahienctva pa pytańniach pradastaŭleńnia prytułku. Jana miarkuje, što mihracyjny kryzis na miažy ź Biełaruśsiu «nie vyrašyć u bližejšaj budučyni».
Kali letam mihranty sprabavali nielehalna patrapić ź Biełarusi ŭ asnoŭnym u Litvu i Łatviju, dyk vosieńniu — u asnoŭnym u Polšču. Štodnia polskija pamiežniki paviedamlajuć pra adzinki zatrymanych i pra kala paŭtysiačy spynienych i adpraŭlenych nazad, u Biełaruś. Adnak vyśviatlajecca, što niamała mihrantaŭ usio ž dabirajecca da Hiermanii. Z pačatku žniŭnia palicyja zafiksavała ich tam bolš za 4 tysiačy — irakcaŭ, siryjcaŭ i irancaŭ, jakija prabiralisia praź Biełaruś i Polšču.
Jeŭrasajuz uskładaje adkaznaść za mihracyjny kryzis na ŭschodniaj miažy ES na ŭłady Biełarusi. Aficyjnamu Minsku ŭžo ŭ listapadzie mohuć pahražać novyja sankcyi.
