igor.yakovenko.96, facebook.com
Pra heta RBK raspavioŭ advakat navukoŭca, staršynia Maskoŭskaj kalehii advakataŭ «Adzinstva» Siarhiej Chudziakoŭ.
«Pažyłomu prafiesaru paśla kavidu patelefanavali nibyta z Centrabanka RF, skazali, što ź jaho rachunkami adbyvajucca ašukanskija dziejańni, ale jany situacyju kantralujuć. I dla taho, kab usich ašukancaŭ vyvieści na čystuju vadu, treba źniać usie hrošy i pakłaści na inšy rachunak, — udakładniŭ juryst. — Potym paprasili ŭziać kredyt u banku, taksama pieravieści hrošy na rachunak, dla taho kab adsačyć ašukancaŭ. Paśla skazali, što kvateraj prafiesara taksama zacikavilisia ašukancy, prapanavali varyjant jaje vyratavać. Skazali, što viedajuć, što chutka pryjduć ryełtary-ašukancy i Iharu Ryhoraviču treba zrabić vyhlad, što jon nie viedaje ab tym, što heta schiema padmanu, padpisać dahavor kupli-prodažu».
Jakavienka pavieryŭ i padpisaŭ dakumienty ab prodažy kvatery i dačy. Hrošy, atrymanyja za prodaž, pa ŭkazańni ašukancaŭ, prapanoŭvałasia pieradać asobam u aŭtamabili. Navukoŭca zapeŭnili, što heta supracoŭniki palicyi, jakija zajmajucca rasśledavańniem spravy ab ryełtarach-ašukancach.
Paśla hetaha tyja, chto telefanavaŭ, pierastali vychodzić na suviaź. Pa słovach advakata, zatym źjaviŭsia pakupnik kvatery, jaki ŭ hrubaj formie zajaviŭ, što ciapier majomaść Ihara Jakavienki naležyć jamu i navukoviec ź niepaŭnaletnim dziciem (pražyvaje razam ź Jakavienkam) pavinien vyjechać.
«Źviazvaŭsia sa mnoj čałaviek, jaki pradstaviŭsia pakupnikom kvatery. Jon patrabavaŭ, kab ja źjechaŭ u paniadziełak, u krajnim vypadku ŭ aŭtorak. A ŭ sieradu, 20 kastryčnika, pryjduć zrazać dźviery i vykidvać mianie» — skazaŭ prafiesar RBK.
Jakavienka dadaŭ, što znosiny z afierystami praciahvalisia ad žniŭnia da kastryčnika. Uvieś hety čas jamu stroha zabaraniałasia raspaviadać pra zvanki blizkim, bo heta nibyta mahło sarvać śpiecapieracyju.
