Ilustracyjny zdymak
U hetaj adnapakajovaj kvatery para žyvie ŭžo niekalki hod. Taki skačok cen za kamunałku ŭpieršyniu.
Kali paraŭnać žyroŭku za vierasień sa žnivieńskaj, bačna, što dadałasia hrafa za aciapleńnie i značna vyrasła apłata za haračuju vadu. Sumu naličyli pa taryfach, jakija całkam zabiaśpiečvajuć pakryćcio ekanamičnych zatrat (jany ŭ piać razoŭ bolšyja za subsidziravanyja, to-bok standartnyja).
Kali za žnivień za padahreŭ vady treba było zapłacić kala 10 rubloŭ, to ciapier — 47. Za aciapleńnie vystavili 10 rubloŭ. Ahułam kamunałka paciahnuła na 88 rubloŭ (suprać amal 42 u papiarednim miesiacy).
Kvataranty ŭ šoku:
«My zdymajem kvateru pa damovie, u jakoj prapisana, što kamunalnyja płaciažy apłačvajem mienavita my, a nie haspadar. Damovu rehistravali ŭ raźlikova-daviedačnym centry».
Čamu ŭźnikła zhadka pra darmajedaŭ? U vieraśni była abnoŭlena baza niezaniatych u ekanomicy. Dla ich taryfy na haračuju vadu i aciapleńnia inšyja.
U hetym vypadku, praŭda, sprava była nie ŭ hetym. Vyśvietliłasia, što pamior baćka haspadara kvatery, jaki byŭ u joj prapisany. Pakolki ŭ pamiaškańni apošnim časam nichto nie byŭ prapisany, kamunalnyja pasłuhi naličyli pa poŭnych taryfach.
Što kaža zakon: ci mohuć kvatarantam vystavić «darmajedskuju» kamunałku?
Kiejs, ź jakim mohuć sutyknucca tyja, chto aranduje žyllo: što, kali haspadar kvatery nidzie nie pracuje? Ci mohuć kvatarantam naličyć kamunałku ŭ poŭnym pamiery?
Nie — pry ŭmovie, što vy zdymajecie pamiaškańnie aficyjna. Pa zakonie, hramadzianie, jaki zdajuć kvateru i płaciać za heta padatak, nie ličacca niezaniatymi. A značyć i «darmajedskija» taryfy dla ich prymianiacca nie pavinny. Dahavor arendy musić być zarehistravany ŭ raźlikova-daviedačnym centry rajona.
Što rabić, kali čałaviek apynuŭsia ŭ bazie pamyłkova? Treba źviarnucca ŭ kamisiju pry vykankamie i piśmova abhruntavać pretenziju, prykłaści dakumienty, jakija pacviardžajuć, što vy padpadajecie pad vyklučeńni. Sumu kamunałki pieraličać, roźnicu pavinny viarnuć.
Čytajcie taksama:
Darmajed ja ci nie? Raźbirajemsia, kaho prymusiać płacić za aciapleńnie ŭ piać razoŭ bolš
