Ekspres-test pryznačany dla jakasnaha vyznačeńnia antyhiena virusa SARS-CoV-2 mietadam imunachramatahrafičnaha analizu. Ekspres-test dazvalaje vyjavić nukleakapsidny antyhien karanavirusa va ŭzory mazka, uziataha z nasahłotki, paviedamlaje Interfaks.
Test moža być vykanany na praciahu 10-15 chvilin biez vykarystańnia łabaratornaha abstalavańnia. Jaho možna vykarystoŭvać jak u paliklinikach, tak i samastojna ŭ chatnich umovach.
Taksama navukoŭcami i śpiecyjalistami raspracavany ekspres-test dla jakasnaha vyznačeńnia antyciełaŭ.
Ekspres-test SARS-CoV-2-IdM / IgG dla vyznačeńnia antyciełaŭ kłasa IgM i IgG virusa SARS-CoV-2 u kryvi, u syrovatcy abo płaźmie kryvi čałavieka mietadam imunachramatahrafičnaha analizu.
«Kali čałaviek pieranios zachvorvańnie COVID-19, kłapocicca pra svajo zdaroŭje i choča samastojna kantralavać najaŭnaść imunitetu da virusa SARS CoV-2, to dadzienyja test-sistemy dazvalajuć heta zrabić. U bytavych umovach analiz pravodziać pa adnoj kropli kryvi čałavieka, uziataj z palca», — adznačyli ŭ pres-słužbie.
Pra košty i kali budzie ŭ prodažy, pakul nie paviedamlajecca.