RBK
U hety pieryjad budzie prypynienaja praca niecharčovych kram, kaviarniaŭ, restaranaŭ i fudkortaŭ, a taksama buduć admienieny kulturnyja, spartyŭnyja i zabaŭlalnyja mierapryjemstvy, piša meduza.io.
Pry hetym teatry i muziei zmohuć praciahvać pracu — pry ŭmovie zapaŭnialnaści pamiaškańniaŭ nie bolš za 50% i vykarystańni QR-kodaŭ, jakija paćviardžajuć vakcynacyju, najaŭnaść niadaŭna zdadzienaha testu abo fakt pieraniesienaha kavidu.
U škołach i dziciačych sadkach buduć abvieščanyja kanikuły, a navučańnie ŭ kaledžach i VNU pavinna budzie pravodzicca ŭ dystancyjnym režymie.
Pa zakančeńni niepracoŭnych dzion QR-kody stanuć abaviazkovymi pry naviedvańni lubych masavych mierapryjemstvaŭ, na jakich prysutničajuć bolš za 500 čałaviek. Pažyłyja žychary Maskvy z 8 listapada taksama pazbaviacca mahčymaści biaspłatnaha prajezdu ŭ hramadskim transparcie, kali jany nie vakcynavalisia ci nie pierachvareli.
Anałahičnyja miery na toj ža termin uviali i ŭłady Maskoŭskaj vobłaści.
Zachvorvańnie i śmiarotnaść ad kavidu ŭ Rasii zaraz znachodzicca na maksimalnych značeńniach z pačatku pandemii. 21 kastryčnika byli vyjaŭleny 36 339 novych vypadkaŭ, pamierli 1036 čałaviek. U Maskvie ŭ apošni tydzień štodnia zachvorvajuć 5-7 tysiač čałaviek.
Urad Łatvii zaćvierdziŭ łakdaŭn da 15 listapada z kamiendanckaj hadzinaj z 20:00: što zabaroniena i što dazvolena
