Z 1 listapada 2021 hoda pradastaŭlać pasłuhi pa dastaŭcy tavaraŭ na dom kurjerami i pasłuhi pa pieravozcy pasažyraŭ kiroŭcami transpartnych srodkaŭ, nie abstalavanych kabinami, mohuć tyja, chto maje dakumient ab praviedzienaj vakcynacyi suprać COVID-19 (z pradastaŭleńniem jaho pa patrabavańni), - havorycca ŭ rašeńni.
Fizičnyja asoby pry naviedvańni abjektaŭ, arhanizacyj abaviazany vykarystoŭvać srodki abarony orhanaŭ dychańnia i vykonvać sacyjalnuju dystancyju (1 — 1,5 mietra).
Pasažyry transpartu, jaki ažyćciaŭlaje pieravozku pasažyraŭ u rehularnych znosinach, mietrapalitena, pasažyry aŭtamabila-taksi abaviazany vykarystoŭvać srodki abarony orhanaŭ dychańnia.
Taksama relihijnym arhanizacyjam rekamiendavana pravodzić nabaženstvy, relihijnyja abrady, rytuały i cyrymonii z vykarystańniem režymaŭ aŭdyjo-, videasuviazi. Pry očnym režemie patrabujecca stroha vykonvać sanitarnyja praviły.
Dva dni tamu Alaksandr Łukašenka zrabiŭ šerah zajavaŭ, što raspavolili žorstkija patrabavańni miedykaŭ pa vykanańni masačnaha režymu i vakcynacyi. Pavodle Łukašenki prymušać ludziej nasić maski - heta zdiekvacca nad imi, štrafavać za heta nielha («niama takoha zakona»), vakcynacyja taksama nieabaviazkovaja (čałaviek sam vyrašaje svoj los).
Ci budzie vykonvacca heta rašeńnie minskich uładaŭ paśla takoha, nieviadoma, bo jano ad 14 katryčnika.
Łukašenka zaniaŭsia kavid-prafiłaktykaj nasielnictva, ale atrymałasia tolki horš. Što jon skazaŭ
