Reuters
Pra heta paviedamlaje Reuters sa spasyłkaj na infarmavanuju krynicu.
Jak śćviardžaje surazmoŭca ahienctva, rašeńnie ab adabreńni vakcyny «absalutna niemahčyma» da kanca 2021 hoda z-za adsutnaści častki danych, nieabchodnych dla razhladu zajaŭki. Kab zaviaršyć praces siertyfikacyi ŭ pačatku nastupnaha hoda, patrabavanyja danyja pavinny być pradastaŭleny da kanca listapada.
Pry hetym krynica dadała, što pryčyn sumniavacca ŭ efiektyŭnaści i biaśpieki rasijskaj vakcyny ŭ rehulatara niama.
Paśla publikacyi Reuters pamočnik kiraŭnika Ministerstva achovy zdaroŭja RF Alaksiej Kuźniacoŭ paviedamiŭ, što padrychtoŭka dakumientaŭ, dadatkova zapytanych EMA, užo zaviaršajecca. Jon taksama vykazaŭ nadzieju, što pradstaŭniki jeŭrapiejskaha rehulatara naviedajuć Rasiju ź inśpiekcyjaj da kanca hoda.
Pres-sakratar prezidenta RF Dźmitryj Piaskoŭ zajaviŭ, što zaminka z rehistracyjaj «Sputnik V» u Jeŭropie vyklikanaja «vyklučna techničnymi farmalnaściami» i budzie vyrašana ŭ pracoŭnym paradku, piša meduza.io.
