Uznaharod taksama ŭdastojeny daktary Haradskoj kliničnaj balnicy chutkaj miedycynskaj dapamohi Minska, jakija byli zadziejničanyja ŭ lačeńni Ramana ad apiokaŭ, atrymanych pry vyratavańni brata.
Za šmathadovuju plonnuju pracu, vysoki prafiesijanalizm, značny asabisty ŭkład u akazańnie miedycynskaj dapamohi nasielnictvu miedalom «Za pracoŭnyja zasłuhi» ŭznaharodžany kambustyjołah-chirurh (zahadčyk) dziciačaha apiokavaha adździaleńnia Ihar Zielanko i aniestezijołah-reanimatołah adździaleńnia aniestezijałohii i reanimacyi (apiokavych chvorych z pałatami intensiŭnaj terapii) Maryna Markievič.
Nahadajem, 28 krasavika ŭ šmatdzietnaj siamji Maryi i Alaksieja ź vioski Sidarovičy Miadzielskaha rajona zdaryłasia biada. Uviečary, kali tata pajechaŭ u susiedni pasiołak, kab sustreć mamu z pracy, u ich domie adbyŭsia pažar. U hety čas tam znachodziłasia dvoje chłopčykaŭ: 12-hadovy Roma i Vania, jakomu na toj momant byŭ hod i čatyry miesiacy. Ratujučysia ad ahniu, starejšy brat raźbiŭ u adnym z pakojaŭ akno i vynies małoha. Ź Ivanam usio dobra. A Roma atrymaŭ apioki bolš za 65% cieła.
