Pra heta raspavioŭ historyk mastactva Kłaŭdyjo Strynaci ŭ svajoj kałoncy ŭ štodzionnaj haziecie Repubblica, paviedamlaje CNN.

Viła Aŭrora była pabudavana ŭ kancy 16 stahodździa italjanskim kardynałam Frančeska Maryjaj del Monte. Tady jana vykarystoŭvałasia jak palaŭničy domik pobač z zaharadnaj rezidencyjaj Ludavizi.

Kardynał davieryŭ Karavadža stvaryć fresku ź Jupiteram, Nieptunom i Płutonam šyrynioj 2,75 mietra. Tak na stoli źjavilisia try bostvy, kožnamu ź jakich adpaviadajuć peŭnyja žyvioły.

Freska «Jupiter, Nieptun i Płuton» Karavadža. Fota: Vikipiedyja

Freska «Jupiter, Nieptun i Płuton» Karavadža. Fota: Vikipiedyja

U kancy 19 stahodździa majontak byŭ pradadzieny ŭradu Ryma. Mienavita ŭ hety pieryjad bolšaść budynkaŭ była razburana. Viła Aŭrora acaleła jak histaryčny pomnik — i ŭsio dziakujučy mienavita rośpisu słavutaha italjanskaha mastaka. 

Hetaja viła mieścicca ŭ samym sercy Ryma. Jana akružanaja sadam i zajmaje 2800 kvadratnych mietraŭ. U šaścipaviarchovym budynku zachoŭvajecca mnostva roznych kaštoŭnaściaŭ. Jašče ŭ 2010 hodzie tvory mastactva, jakija znachodziacca ŭnutry viły, byli acenienyja ŭ 670 miljonaŭ jeŭra.

Pa słovach Alesandra Cukary, prafiesara historyi sučasnaha mastactva ŭ rymskim univiersitecie Ła Sapijenca, sama freska maje acenačny košt bolš čym u 360 miljonaŭ dalaraŭ.

Viła taksama raśpisana freskami mastaka epochi baroka Džavani Frančeska Barbjery, viadomaha jak Hvierčyna, jaki pracavaŭ na vile pamiž 1621 i 1623 hadami.

Ciapier viła Aŭrora naležyć siamji Bankampańji-Ludavizi, naščadkam papy Hryhoryja XV. Adnak padrabiaznaści sudovych pryčyn, jakija lažać u asnovie aŭkcyjonnaha prodažu, nie vydajucca.

A voś absłuhoŭvańnie nieruchomaści abydziecca doraha. Adnoj z umoŭ dla tych, chto nabudzie nieruchomaść, budzie vydatkavać 11 miljonaŭ jeŭra na adnaŭleńnie.

Ale kali viła budzie pradadzienaja pa toj canie, jakuju prosiać ułaśniki, to stanie samym darahim publična zarehistravanym prodažam nieruchomaści za ŭsiu historyju. Ciapier hety status naležyć hankonhskaj rezidencyi, pradadzienaj u 2017 hodzie za 361 miljon dalaraŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?