Adździeł zajmaŭsia prahramami pa mižnarodnym raźvićci i suviaziami z hramadskaściu ŭ Biełarusi.

«20 kastryčnika 2021 hoda biełaruskija ŭłady prainfarmavali Złučanyja Štaty ab pryniaćci novych mier, nakiravanych na toje, kab pieraškodzić funkcyjanavańniu Ambasady ZŠA ŭ Minsku šlacham prymusovaha zakryćcia Adździeła pa suviaziach z hramadskaściu, Ahienctva pa mižnarodnym raźvićci i, u tym liku, Amierykanskaha centra ŭ Minsku. Biełaruskija ŭłady prymušajuć Ambasadu spynić pracu z bolš čym dvaccaćciu biełaruskimi supracoŭnikami.

Hetyja dziejańni pakazvajuć hłybokuju niaŭpeŭnienaść biełaruskich uładaŭ u halinie dypłamatyi, mižnarodnych stasunkaŭ i niezaležnaj hramadzianskaj supolnaści. Złučanyja Štaty nie buduć admaŭlacca ad svaich abaviazacielstvaŭ, kab spryjać raźvićciu demakratyi i pravoŭ čałavieka ŭ Biełarusi i padtrymlivać pamknieńnie biełaruskaha naroda budavać bolš pierśpiektyŭnuju budučyniu ŭ svabodnaj i niezaležnaj Biełarusi. Hetyja apošnija miery nie prymusiać nas admovicca ad dziejańniaŭ, jakija prynosiać karyść biełaruskamu narodu i jakija spryjajuć raźvićciu znosin pamiž našymi hramadzianami», — havorycca ŭ zajavie śpiecpasłańnika pa Biełarusi Džuli Fišer.

***

Ahienctva ZŠA pa mižnarodnym raźvićci (USAID) dziejničała ŭ Biełarusi z 1990-ch hadoŭ. Asnoŭnaj jaho zadačaj była dapamoha biełarusam, u tym liku praz padtrymku pradprymalnictva, małych i pryvatnych pradpryjemstvaŭ. Ahienctva dapamahała siemjam u paciarpiełych ad radyjacyi rajonach, sirotam. Z 2020 hoda USAID aktyŭna ŭklučyłasia ŭ dapamohu ŭ baraćbie z COVID-19.

Клас
0
Панылы сорам
0
Ха-ха
0
Ого
0
Сумна
0
Абуральна
0