president.gov.by

president.gov.by

Łukašenka adkazaŭ, što ŭ ciapierašni čas adpaviednaje pytańnie razhladajecca va ŭradzie. Jon patłumačyŭ, čamu ŭ cełym udaskanalvajucca tyja ci inšyja padatkovyja normy. Heta źviazana z tym, što pradstaŭniki biznesu ŭ svoj čas skardzilisia na składanaje padatkovaje zakanadaŭstva.

«I ja daručyŭ uradu, kab viarnulisia da hetych pytańniaŭ i zrabili prostaje padatkovaje zakanadaŭstva. Jano zusim prostym nie budzie. Na toje i padatki, i treba być ekanamistam i buchhałtaram dla taho, kab heta ŭsio vyličać. Ale tam, dzie možna spraścić, treba spraścić. Pahladzieć inšyja napramki, dzieści padšlifavać», — skazaŭ Alaksandr Łukašenka.

Pavodle jaho słoŭ, u tym liku abmiarkoŭvałasia pytańnie pa padatkaabkładańni nieruchomaści. «Na vioscy ŭ nas płaciać i za ziamlu padatak, nieruchomaść i inšaje. A horad niejak zastaŭsia ŭbaku. Abmiarkoŭvałasia i heta pytańnie. Ja nie viedaju, jakija tam staŭki, ale heta budzie mizer», — adznačyŭ jon.

Łukašenka pryvioŭ jašče adzin dovad, čamu ŭ krainie ŭzialisia za padatki: «Reč navat nie ŭ spraviadlivaści. Na kaniec hoda $2 młrd niepradbačanych vydatkaŭ, kab ratavać ludziej. U nas ža biaspłatnaja vakcynacyja, biaspłatnaje lačeńnie ad kavidu. Ja nie chaču skazać, što ŭ nas idealna ŭsio, ale ŭ paraŭnańni ź inšymi, jak akazałasia, niadrenna. Ale heta vialikija hrošy».

Łukašenka razam z tym adznačyŭ, što, umoŭna kažučy, kali na kožnaha žychara Biełarusi sabrać pa dalary padatku, to heta budzie tolki $9,5 młn. «Pa vialikim rachunku heta ništo, kali my $2 młrd vydatkujem tolki na lačeńnie, ale za hetyja $9,5 młn my niešta možam kupić», — zaŭvažyŭ jon.

Reziumujučy, jon skazaŭ: «Ci budzie heta naohuł, heta jašče pytańnie. Na moj uzrovień hetyja pytańni nie ŭnosilisia. My nie stavim pierad saboj metu pavialičyć padatki. Jany ŭ nas i tak vysokija. U nas niama nafty i hazu. Tamu padatkaabkłanaja baza i padatki prystojnyja. Zaŭsiody paŭstaje pytańnie, jak ich pamienšyć. Tamu ja nie dumaju, što heta buduć niejkija vialikija padatki, kali jany buduć naohuł. Ale pytańnie razhladajecca».

***

Nahadajem, što ŭ apošni čas u Biełarusi byŭ admienieny masačny režym, jaki pratrymaŭsia 13 dzion, a Łukašenka vystupiŭ suprać prymusu da vakcynacyi.

«Słužbovym asobam pryjdziecca adkazvać i pierad zakonam, i pierad ludźmi» — doktar Mikita Sałaviej pra admienu masačnaha režymu

U Babrujsku admianili antykavidnyja abmiežavańni na naviedvańnie načnych kłubaŭ

«Tak, rasparadžeńnie administracyi pryjšło». U Minsku masava zdymajuć abjavy pra masačny režym

Клас
0
Панылы сорам
0
Ха-ха
0
Ого
0
Сумна
0
Абуральна
0