Narkotyki padmiešvali ŭ napoi i ŭkołvali niavinnym achviaram i raniej, ale ŭ hetym hodzie, kali ludzi pačali viartacca da kłubnaha žyćcia paśla karanavirusnych abmiežavańniaŭ, vypadkaŭ značna pabolšała. Tolki za vierasień-kastryčnik palicyja atrymała bolš za 200 zajaŭ ad paciarpiełych.
Fota: depositphotos.com
Moładź u 60 haradach Brytanii abjadnałasia ŭ novy ruch — Girls Night In (prykładny sens: dziaŭčaty viečaram siadziać doma). Ruch arhanizavaŭ šerah demanstracyj, a taksama abviaściŭ bajkot načnych kłubaŭ.
Ich hałoŭnaje patrabavańnie — pierahledzieć staŭleńnie da biaśpieki maładych ludziej u kłubach.
Jany patrabujuć prymusovy dahlad torbaŭ na ŭvachodzie, testavańnie napojaŭ u kielichach, pakinutych biez nahladu, instruktaž supracoŭnikaŭ pa akazańni pieršaj dapamohi tym, chto ŭžo atrymaŭ injekcyju.
Taksama jany zaklikajuć da masavaj sacyjalnaj kampanii pa zastrašvańni patencyjnych złačyncaŭ.
Karespandent The Guardian u Šatłandyi Libi Bruks, jakaja ŭžo niekalki tydniaŭ sočyć za rasśledavańniem hetych złačynstvaŭ, padkreślivaje, što sapraŭdny maštab prablemy niemahčyma pakul zrazumieć: achviary hvałtu bajacca paviedamlać u palicyju.
Kliniki i palicyja jašče nie mohuć razabracca, chto musić pracavać z achviarami spajkinhu (tak nazyvajecca padmiešvańnie ŭ napoi ci injekcyja narkotyku) i pavodle jakoha pratakoła. Sam narkotyk chutka (12-72 hadziny) vyvodzicca z arhanizmu, i zafiksavać jaho možna, tolki kali adrazu źviarnucca pa dapamohu.
Pavodle The Guardian.
Rasijanin padaŭ u sud na hurt Metallica. Śćviardžaje, što jon prydumaŭ usie pieśni, i choča $1 miljard
Novy mer Ńju-Jorka choča atrymać zarobak u bitkojnach i zrabić «stalicu kryptavalutnaj industryi»
