«Budynak zvonku vyhladaje jaŭna zaniadbanym i avaryjnym. Unutry situacyja lepšaja, jość śviatło i aciapleńnie.

Adnak vokny tam usie staryja, i što z aciapleńniem budzie zimoj, možna tolki zdahadvacca, — raskazvajuć studenty. — Prybiralni jość, ich stan nie krytyčny, ale jany vielmi staryja i dzie-nidzie niama plitki.

Fota: čytačy «NN».

Fota: čytačy «NN».

Padłoha — heta asobnaja historyja. Tam, dzie padłoha z hranitu, — jana cełaja, a dzie parkiet — tam vyboiny.

Fota: čytačy «NN».

Fota: čytačy «NN».

Siarod aŭdytoryj jość i takija, dzie adklejvajucca špalery, prablemy sa stollu. Raniej hety budynak naležaŭ BDEU, a da taho tut była ci škoła, ci dziciačy dom».

Fota: čytačy «NN».

Fota: čytačy «NN».

«Naša Niva» źviarnułasia ŭ Biełdziaržuniviersitet. Tam adznačyli, što studenty raspaŭsiudžvajuć «zahadzia iłžyvuju infarmacyju».

«U internecie raspaŭsiudžvajucca fota techničnych kabinietaŭ BDU, jakija vydajucca za navučalnyja aŭdytoryi, — napisana na sajcie BDU. — Być studentam i supracoŭnikam BDU — heta hanarova i adnačasova adkazna. Hetuju iścinu davodzicca nahadvać jašče raz našym studentam, jakija zamiest «dziakuj» metanakiravana i śpiecyjalna raspaŭsiudžvajuć zahadzia łžyvuju, škodnuju dla reputacyi BDU infarmacyju.

Fota: pres-słužba BDU.

Fota: pres-słužba BDU.

Fota navučalnych aŭdytoryj BDU, jakija raspaŭsiudžvajucca ŭ telehram-kanałach, adnosiacca da niežyłych techničnych kabinietaŭ i tych, što nie vykarystoŭvajucca. Jany znachodziacca na čaćviortym paviersie korpusa pa vuł. Miendzialejeva, 36 i vykarystoŭvajucca dla zachoŭvańnia budaŭničaha, bytavoha invientaru i roznych rečaŭ histaryčnaha fakulteta.

Zaniatki viaducca na pieršych troch pavierchach hetaha budynka. Aŭdytoryi poŭnaściu adpaviadajuć usim sanitarna-epidemijałahičnym patrabavańniam. Rabočyja i navučalnyja miescy abstalavanyja nieabchodnymi meblaj i technikaj. Korpus aciaplajecca, pracujuć sanitarnyja pakoi.

Pa hetym adrasie historyki pierajechali ŭ pačatku listapada hetaha hoda z pryčyny praviadzieńnia ŭ ich korpusie na Čyrvonaarmiejskaj, 6 kapitalnaha ramontu. Hety budynak źjaŭlajecca № 1 u architekturnaj spadčynie ŭniviersiteta. U pieršyja hady tut niekatory čas žyŭ i pracavaŭ pieršy rektar BDU Uładzimir Ivanavič Pičeta.

Paśla ramontu budynak stanie fakultetam-muziejem, dzie adkryjucca ŭnikalnyja archieałahičnaja, etnahrafičnaja i numizmatyčnaja ekspazicyi. U płanach uznavić pracoŭny kabiniet Pičety, vykarystoŭvajučy zachavanyja zdymki.

Abjomnyja raboty pa pierajeździe fakulteta praviedzieny siłami studentaŭ, vykładčykaŭ i rabotnikaŭ fakulteta.

Administracyja BDU i fakulteta škaduje, što ŭ kalektyvie historykaŭ jość niadobrasumlennyja studenty, jakija svaju enierhiju i siłu nakiravali na škodu BDU, a nie ŭ dapamohu pa dobraŭparadkavańni i pierajeździe fakulteta».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?