Vital Kazłoŭ. Skrynšot telekanała ctv.by
Na pieršaj razmovie hołas, padobny da hołasa Vitala Kazłova havoryć z kimści z rehijanalnych načalnikaŭ milicyi, chutčej za ŭsio, Minska, pierad jakim hetaksama staić pytańnie, jak zatrymać Cichanoŭskaha.
«*** (niecenzurnaje ŭ značeńni «nieviadoma»), jak pa im pracavać. Nie dajuć ža pry vialikim skapleńni ludziej pracavać. Nie viedaju, čamu», — kaža surazmoŭca.
«Dyk *** (niecenzurnaje ŭ značeńni «ŭsio adno»), strym nie strym, ludzi nie ludzi», — adkazvaje hołas, padobny da hołasa namieśnika načalnika Minskaj abłasnoj milicyi.
«Skažy heta Alaksandru Piatroviču (vierahodna, havorka idzie pra tahačasnaha namieśnika ministra ŭnutranych spravaŭ Barsukova — zaŭv. NN)».
«Ja skazaŭ. Jon: nu, pracujcie».
«Mnie jon takoje nie kazaŭ».
«A jak jaho jašče brać? Ja vyznačyŭsia: DAI spyniaje, jon u mašynie….»
«Dyk u tym-ta i sprava, što šeść mašyn. My nie viedajem, u jakoj jon mašynie budzie».
«Jon u mašynie, — praciahvaje hołas, padobny da Kazłova. — Padychodzić načalnik milicyi hramadskaj biaśpieki: «Usio, u adnosinach da vas rašeńnie suda». Nu i dalej pačynajem. Jon nie vychodzić. Padjazdžajuć usie jahonyja prychilniki. Budu AMAPam rassoŭvać. Načalniki milicyi hramadskaj biaśpieki buduć jechać (niecenzurnaje ŭ značeńni «ŭklučacca ŭ praces»).
«Nu a dalej što? Z mašyny nie vychodzić, što budziem rabić?»
«Nu dalej užo nie viedaju», — ščyra pryznajecca hołas, jak śćviardžajecca, načalnika abłasnoj milicyi.
«Nu dyk što, mašynu łamać?»
«Nie, bić nie budziem».
«A čamu?»
«A na padstavie čaho ty budzieš bić škło?»
«Voś i ŭsio, — spyniaje razvažańni kalehi surazmoŭca. — Dalej što?»
«Ničoha. Pahružu na evakuatar i zaviazu ŭ Puchavicki rajon».
«A zabaroniena z čałaviekam pahružać na evakuatar».
«Zrazumieła».
«Nu dyk dalej što?»
(Niecenzurnaje biez sensu)
«Voś i ja nie viedaju, Anatoljevič», — kaža kaleha.
«Uvohule pa łohicy *** (niecenzurnaje ŭ značeńni «raźbić») vokny i dastać jaho adzin raz pakazalna, kab inšyja nie…»
«Nu heta pa łohicy, ale pakul nie tak».
Dalej idzie razmova z kimści z Puchavickich apieratyŭnikaŭ, jakija praviedvajuć abstanoku ŭ miescy, dzie jak miarkujecca, źjavicca Cichanoŭski. Čałaviek z hołasam, jak śćviardžajecca, namieśnika načalnika abłasnoj milicyi kaža, što dasyłaje tudy dźvie hrupy AMAPa i stavić im zadaču — jak tolki Cichanoŭski źjaŭlajecca — vyrubić jaho, a paśla ŭžo raźbiracca.
Kali tak nie atrymlivajecca, zahadvaje dziejničać pa schiemie, kali DAI spyniaje aŭto, da jaho padjazdžaje načalnik milicyi hramadskaj biaśpieki, jaki zajaŭlaje, što ŭ adnosinach da Cichanoŭskaha jość niejkaja pastanova suda, što nibyta dazvalaje jaho zatrymać.
U vypadku pieršaha scenaru hołas, padobny da hołasa Kazłova, nastojvaje, kab nie cyrymonilisia, prama zajaŭlaje, što AMAP pavinien užyć siłu, maŭlaŭ, nie treba «ŭ demakrytyju hulacca». Načalnik milicyi ŭdakładniaje, što budzie jašče raicca pa hetym pytańni z KDB.
Nahadajem, što raniej u sieciva trapiŭ zapis pramovy byłoha ministra ŭnutranych spravaŭ Juryja Karajeva, jaki prama kaža, što kali niama artykuła, pa jakim možna zatrymać Cichanoŭskaha, jaho treba prydumać. Niezaležnyja rasijskija ekśpierty paćvierdzili, što hołas na zapisie naležyć mienavita Karajevu. Pracytujem:
«Hety bydłahan krainu chacieŭ razhajdać: na pakryviŭšychsia płatach, na budoŭlach niejkich priedrajvykankamaŭ i sielsavietaŭ. Jak jany tam sabie 5 rubloŭ skrali. Ja kazaŭ pazaŭčora ŭ intervju, što jon, hetaja pačvara, u Rasii bačyŭ u šmat razoŭ horšyja usie hetyja pytańni. Ale tam jon rot svoj pahany nie raziavaŭ: «My z musarami raźbiaremsia». A tut pryjechaŭ na samuju cišejšuju nivu, na samaje pakorlivaje nasielnictva, na samych lepšych milicyjantaŭ u śviecie!
I pačaŭ: «Mianty», tam, «My razhajdajem hetuju ŭładu», bačačy, što jamu niama procidziejańnia. Dobra, jaho plasnuli. Škaduju tolki, što pozna. Choć, znoŭ taki, vy ž u kastryčniku maju ŭvahu na heta źviartali. My z kamitetaŭskimi pracavali razam. I dobra, što va ŭsich mudraści chapiła choć kaliści jaho ŭbačyć i plasnuć. Chaj lamantuje ŭvieś śviet: «Pa zakonie, pa biezzakońni». Takaja pačvara niebiaśpiečniej za usich. Jon niebiaśpiečniej usich hetych Babarykaŭ. Jon — razburalnik dziaržavy. Niama na jaho artykuła — treba prydumać i pasadzić jaho nadoŭha. Chaj tam siadzić. Chaj zdochnie tam».
Siarhieja Cichanoŭskaha zatrymali ŭ mai 2020 hoda, na pikiecie ŭ padtrymku jaho žonki, jakaja pajšła zamiest jaho na vybary. Z taho času palityk pad vartaj, pieravažna — u adzinočnaj kamiery. Užo niekalki miesiacaŭ praciahvajecca sud pa jahonaj spravie, jaki prachodzić u zakrytym režymie ŭ SIZA Homiela, jamu pahražaje da 15 hod źniavoleńnia. Čakałasia, što prysud moža być vyniesieny ŭ listapadzie. Na dniach stała viadoma, što AAN pryznała niezakonnym kryminalny pieraśled Cichanoŭskaha i patrabuje adkazu ad biełaruskich uładaŭ.
