Spravu Alaksandra vioŭ sudździa Maksim Trusievič. Śviedka-milicyjant na sudzie navat nie zmoh uspomnić u što byŭ apranuty Łojka.
U vyniku, sudździa Trusievič pryznaŭ mužčynu vinavatym i znoŭ pakaraŭ Alaksandra 15-sutačnym aryštam.
Taksama 15 listapada ŭ sudzie Pieršamajskaha rajona sudździa Maksim Trusievič druhi raz zapar asudziŭ Irynu Słaŭnikavu. Žurnalistku taksama abvinavacili ŭ «drobnym chulihanstvie». Ale pa słovach śviedki-milicyjanta, «ahresiŭnyja pavodziny» ŭ Iryny pačalisia paśla taho, jak jana zaŭvažyła, što na muža składajuć novy pratakoł. Vopratku Iryny milicyjant taksama nie pamiataje.
Sudździa Trusievič aryštavaŭ Słaŭnikavu pa art. 19.1 KaAP na čarhovyja 15 sutak.
Irynu Słaŭnikavu i jaje muža Alaksandra Łojku zatrymali 30 kastryčnika pa viartańni z adpačynku ź Jehipta. Iryna Słaŭnikava źjaŭlajecca pradstaŭnicaj u Biełarusi polskaha telekanała, pryznanaha biełaruskimi ŭładami ekstremisckim.
ŚMI: Kamiera, dzie siadzić Iryna Słaŭnikava, abviaściła haładoŭku praź nievynosnyja ŭmovy. Rodnyja paćviardžajuć, što navat srodki hihijeny nie zmahli pieradać
