Napružanaść pamiž Jerevanam i Baku zastajecca vysokaj paśla 44-dzionnaj vajny, jakaja adbyłasia letaś pamiž etničnymi armianskimi siłami i azierbajdžanskaj armijaj pry padtrymcy Turcyi, u vyniku zahinuła pa mienšaj miery 6500 čałaviek, pieramoha była za Azierbajdžanam.
Ministerstva abarony Azierbajdžana paviedamiła ab napružanaj situacyi na miažy z Armienijaj, dzie, pa infarmacyi viedamstva, adbyvajucca pravakacyi.
U paviedamleńni azierbajdžanskaha boku havorycca, što armianskija vojski abstrelvali pazicyi azierbajdžanskaj armii artyleryjskim i minamiotnym ahniom i što jany źniščyli niekatoruju armianskuju vajennuju techniku.
Rasiejskija infarmacyjnyja ahienctvy sa spasyłkaj na ministerstva abarony Armienii paviedamili ŭ zajavie, što Azierbajdžan vykarystoŭvaje artyleryju, strałkovuju zbroju i braniatechniku ŭ sutyčkach na miažy.
TASS paviedamlaje, što čaćviora armianskich sałdat byli paranienyja.
«Pakolki Azierbajdžan napaŭ na suvierennuju terytoryju Armienii, my prosim Rasiju abaranić terytaryjalnuju cełasnaść Armienii na asnovie isnujučaha pahadnieńnia 1987 hoda (ab uzajemnaj abaronie) pamiž našymi krainami», — cytuje ahienctva «Interfaks» słovy sakratara Savieta biaśpieki Armienii Armiena Hryharana.
U Rasiei jość vajskovaja baza ŭ Armienii, a taksama miratvorčyja siły ŭ Nahorna-karabachskim ankłavie, dzie razharnułasia letašniaja vajna.
Nieadkładnaha adkazu z boku Rasiei na armianski zaklik nie było.
