«U Pucina ciesnyja suviazi z Łukašenkam, tak što ŭ jaho pavinny być sposaby akazać cisk na Minsk — dypłamatyčnaha charaktaru ci jakoha-niebudź inšaha, bo hetyja dźvie krainy źviazvaje nie tolki historyja i hieahrafičnaje susiedstva, ale taksama ekanamičnaje i palityčnaje supracoŭnictva. Tak ci inakš, ale prezident Pucin abiacaŭ umiašacca ŭ situacyju, i ja vielmi spadziajusia, što jon heta zrobić», — skazaŭ Le Dryjan.
Makron i Pucin damovilisia ab «deeskałacyi» mihracyjnaha kryzisu na miažy pamiž Biełaruśsiu i Polščaj, paviedamili ŭ paniadziełak uviečary, 15 listapada, u Jelisiejskim pałacy paśla telefonnaj razmovy pamiž prezidentami Francyi i Rasii.
