22 listapada transpartna-łahistyčny centr pablizu miažy naviedali kiraŭnik Jeŭrapiejskaha rehijanalnaha biuro SAAZ Chans Kluhie i ministr achovy zdaroŭja Biełarusi Dźmitryj Pinievič. Misija SAAZ taksama pabyvała ŭ šerahu hrodzienskich balnic.
— Heta tolki pieršyja partyi z mnohich, jakija buduć potym, pakolki jość vidavočnaja nieabchodnaść pastaŭlać i miedykamienty — jakija patrebnyja mihrantam dla lačeńnia chraničnych zachvorvańniaŭ, i hihijeničnyja nabory, i srodki indyvidualnaj abarony, — skazaŭ Kluhie.
Pavodle jaho słoŭ, śpiecyjalisty SAAZ pracujuć ź biełaruskim Čyrvonym Kryžam, a taksama inšymi ahienctvami i sistemami AAN, jakija prysutničajuć u krainie.