AP
Pavodle krynicy «Radyjo Svaboda» ŭ Bruseli, śpis z 17 čynoŭnikaŭ i 11 arhanizacyj uchvalać 1 śniežnia. Sankcyi pačnuć dziejničać z dnia padpisańnia i publikacyi.
Jeŭrapiejskaja Rada ŭniesła źmieny ŭ kryteryi pryznačeńnia sankcyj, kab «dazvolić prymianieńnie metavych abmiežavalnych zachadaŭ u dačynieńni da fizičnych i jurydyčnych asobaŭ, abjektaŭ abo orhanaŭ, jakija arhanizujuć abo spryjajuć dziejnaści režymu Łukašenki ŭ sadziejničańni niezakonnamu pierasiačeńniu źniešnich miežaŭ dziaržavy-člena abo kantrabandzie zabaronienych abo niebiaśpiečnych hruzaŭ na terytoryju dziaržavy-člena».
Asoby, jakija trapiać pad sankcyi:
- Ihar Kručkoŭ, načalnik asobnaj słužby aktyŭnych mierapryjemstvaŭ śpiecnaza Dziaržaŭnaha pamiežnaha kamiteta;
- Anatol Łapo, hienierał-lejtenant, kiraŭnik Dziaržaŭnaha pamiežnaha kamiteta Respubliki Biełaruś;
- Kanstancin Mołastaŭ, načalnik Hrodzienskaj pamiežnaj hrupy;
- Pavał Charčanka, načalnik Połackaj pamiežnaj hrupy;
- Ihar Hutnik, načalnik Bresckaj hrupy achovy;
- Alaksandr Davidziuk, kiraŭnik Lidskaha pamiežnaha atrada;
- Maksim Butraniec, kiraŭnik Smarhonskaha pamiežnaha atrada;
- Anatol Hłaz, pres-sakratar MZS Biełarusi;
- Siarhiej Jepichaŭ, sudździa Minskaha rajonnaha suda;
- Ihar Lubavicki, sudździa Viarchoŭnaha suda;
- Siarhiej Hirhiel, staršy prakuror Hienieralnaj prakuratury;
- Valancina Kulik, sudździa Viarchoŭnaha suda;
- Andrej Prakapuk, vykanaŭčy dyrektar pa finansavych rasśledavańniach Dziaržkantrolu;
- Ihar Maršałaŭ, dyrektar Departamienta finansavych rasśledavańniaŭ Dziaržkantrolu;
- Hanna Sakałoŭskaja, sudździa Kalehii Viarchoŭnaha suda pa hramadzianskich spravach;
- Marat Markaŭ, kiraŭnik telekanała ANT;
- Dźmitryj Karsiuk, sudździa Centralnaha rajonnaha suda Minska
Kampanii i arhanizacyi, jakija apynucca pad sankcyjami:
- avijakampanija «Biełavija»;
- turystyčnaja firma «Centrkurort»;
- turystyčnaje ahienctva «Oskartur»;
- hatel «Minsk»;
- hatel «Płanieta»;
- Asobnaja słužba aktyŭnych mierapryjemstvaŭ (ASAM);
- avijakampanija Cham Wings Airlines (Siryja);
- pašpartna-vizavy centar VIP Grub (Turcyja);
- «Hrodna Azot»;
- «Biełaruśnafta»;
- «Hrodna Chimvałakno»;
- «Biełšyna».
Heta budzie piaty pakiet sankcyj suprać tych, chto padtrymlivaje aficyjny režym u Minsku.
