Praces budzie vieści sudździa Alaksandr Jakunčychin.
Muža i žonku abvinavačvajuć pavodle č. 1 i 2 art. 342 KK (arhanizacyja dziejańniaŭ, jakija hruba parušajuć hramadski paradak, a taksama navučańnie ci inšaja padrychtoŭka asobaŭ dla ŭdziełu ŭ takich dziejańniach) za muzyčnyja vystupy padčas masavych šeściaŭ u Minsku ŭ žniŭni 2020 hoda. Za kratami muzyki ŭtrymlivajucca čatyry miesiacy.
Udzielnikaŭ hurta zatrymali 2 žniŭnia na leciščy, dzie jany śviatkavali dzień naradžeńnia.
29 kastryčnika da troch hadoŭ «chimii» asudzili muzyku z hetaha hurta Dźmitryja Šymanskaha, jakoha abvinavacili pa č. 1 i č. 2 art. 342 Kryminalnaha kodeksa. Paśla prysudu palitviaźnia vyzvalili ŭ zale suda. Jon u chutkim časie pakinuŭ Biełaruś i ciapier praciahvaje zajmacca muzykaj.
«Ja telepartavaŭsia ź Biełarusi». Asudžany na «chimiju» muzyka i palitviazień pra Vaładarku, prysud i pabieh z krainy
