Pažar u Budsłavie zdaryŭsia 11 maja, i mnostva nieabyjakavych ludziej i arhanizacyj z usioj krainy i z zamiežža pačali pieraličvać achviaravańni na adbudovu śviatyni. Byli razabranyja zavały, rasčyščanyja sklapieńni, praviedzieny vodaadvod i, narešcie, ustalavany časovy dach.
Ale pracy na hetym nie zakančvajucca. U avaryjnym stanie paśla pažaru i jaho tušeńnia znachodzicca kupał baziliki, nieabchodnaje praviadzieńnie maštabnaj restaŭracyi dziela ŭratavańnia ŭnikalnych freskavych rośpisaŭ — słavutych «aptyčnych» ałtaroŭ.
Na nastupnym tydni pry kaściole Najśviaciejšaj Trojcy (śviatoha Rocha) na Załatoj Horcy ŭ Minsku projdzie dabračynny Kaladny kirmaš.
Arhanizatary zaprašajuć usich achvotnych uziać u im udzieł. Kožny moža prynieści na kirmaš ułasnaručna zroblenyja rečy (suvieniry, cacki, malunki, vyraby z hliny, dreva i inšych materyjałaŭ).
Usio heta možna budzie nabyć za dobraachvotnaje achviaravańnie advolnaha pamieru. Sabranyja srodki buduć pryznačanyja na adbudovu budsłaŭskaj śviatyni.
- Na kirmašy za rekamiendavanuju minimalnuju sumu achviaravańnia možna budzie nabyć suvieniry, vykananyja z paškodžanych pažaram materyjałaŭ zharełaha dachu budsłaŭskaha kaścioła.
- Na ŭłasnaručnych vyrabach možna paznačyć aŭtarstva i kantakty majstra.
- Prynosić svaje vyraby na kirmaš možna z 13 pa 19 śniežnia.
- Punkt zboru — kaścioł Najśviaciejšaj Trojcy (śviatoha Rocha) na Załatoj Horcy ŭ Minsku (pr. Niezaležnaści, 44-A) z 7.30 da 20.00.
- Adkryćcio dabračynnaha Kaladnaha kirmašu — 19 śniežnia ŭ 12.00.
- Čas pracy — 19—23 śniežnia z 7.30 da 20.00
