Getty Images
Hety darožny incydent staŭ adnym z samych maštabnych pa kolkaści zahinułych u historyi Mieksiki, zajaviŭ Łuis Manuel Harsija z ahienctva hramadzianskaj abarony štata.
Pavodle jaho słoŭ, siarod paciarpiełych i zahinułych jość jak mužčyny, tak i žančyny ź dziećmi. Ich hramadzianstva pakul dakładna nie ŭstanoŭlenaje, ale miascovyja ŭłady śćviardžajuć, što bolšaść — z Handurasa i Hvatemały.
Paviedamlajuć, što hruzavik pieravysiŭ chutkaść, na krutym pavarocie pierakuliŭsia i ŭrezaŭsia ŭ piešachodny most.
Štat Čjapas miažuje z Hvatemałaj — mienavita praź jaho pralahajuć hałoŭnyja maršruty nielehalnych mihrantaŭ.
Kožny hod praź Mieksiku ŭ ZŠA nakiroŭvajucca sotni tysiač mihrantaŭ, jakija ratujucca ad halečy i hvałtu, jakija panujuć u niekatorych krainach Centralnaj Amieryki. Mnohija ź ich płaciać kantrabandystam, jakija niezakonna pieravoziać ich u hruzavikach — hetyja padarožžy doŭhija i niebiaśpiečnyja.
Pavodle danych Mižnarodnaj arhanizacyi pa mihracyi, pierasiačeńnie miažy Mieksiki i ZŠA — samaje niebiaśpiečnaje ŭ śviecie: tolki ŭ hetym hodzie prynamsi 650 čałaviek zahinuli, sprabujučy prabracca na amierykanskuju terytoryju. Heta bolš, čym kali-niebudź (z tych časoŭ, jak arhanizacyja pačała źbirać takija danyja).
