Elizabeth Frantz / Reuters

Elizabeth Frantz / Reuters

Pavodle jaho słoŭ, Bajden aścierahajecca paŭtareńnia pamyłak 2014 hoda, kali ZŠA i Jeŭrasajuz byli zaśpietyja źnianacku z-za dałučeńnia Kryma. Tamu jon daručyŭ pamočnikam pa nacbiaśpiecy «vykarystoŭvać usie mahčymyja instrumienty, kab pasprabavać strymać prezidenta Rasii Uładzimira Pucina», piša RBK.

«Toje, što my robim, vielmi pradumana», — skazaŭ surazmoŭca CNN.

Jak paviedamlaje CNN, ZŠA pačali reahavać na paviedamleńni ab płanavanaj Rasijaj ahresii suprać Ukrainy vosieńniu. U pryvatnaści, kiraŭnik CRU Uiljam Berns pryjazdžaŭ u listapadzie ŭ Maskvu, kab prosta pieraścierahčy Pucina ad takich dziejańniaŭ, havorycca ŭ paviedamleńni. Adnak pa miery taho jak, pa danych ZŠA, Rasija praciahnuła naroščvać kolkaść vojskaŭ na miažy z Ukrainaj, Vašynhton vyrašyŭ pierajści ad «cichaj dypłamatyi» da publičnych pahroz sankcyjami.

Vysokapastaŭlenyja supracoŭniki administracyi Bajdena padkreślivajuć, što mahčymyja abmiežavańni «vyjduć za ramki» tych, što byli ŭviedzienyja suprać Rasii ŭ 2014 hodzie, piša CNN. Tady miery byli nakiravanyja na «strymlivańnie siarednieterminovaha i doŭhaterminovaha raźvićcia kankretnych rasijskich dziaržaŭnych kampanij šlacham abmiežavańnia ich dostupu da rynkaŭ kapitału i technałohij ZŠA», paviedamiŭ surazmoŭca kanała. Varyjanty, jakija administracyja prapanuje ciapier, «paciahnuć za saboj značnyja vydatki dla rasijskaj ekanomiki i ich finansavaj sistemy».

Клас
Панылы сорам
Ха-ха
Ого
Сумна
Абуральна