45% biudžetu Biełaruś nakiruje na sacyjalnuju śfieru. Ułady vydzielili 11 młn rubloŭ na praviadzieńnie pieršaj sproby EKA, jakuju biełaruskim param buduć rabić biaspłatna.
Pavodle słoŭ deputata, u siaredniaj škole na adnaho navučenca nakiroŭvajecca 2,5-3,5 tysiačy rubloŭ štohod, a ŭ licejach — da 10 tysiač.
Ź biudžetu subsidujucca vydatki na transpart, naprykład, u Minsku hramadzianie płaciać za prajezd kala 50% ad jaho koštu.
Na miedykamienty biudžet tracić kala 200 rubloŭ na hod na adnaho čałavieka, na lačeńnie pacyjenta ad COVID-19 u pałacie stacyjanara — 185 rubloŭ na sutki, u reanimacyi — ad 1,5 da 2 tysiač rubloŭ.
Ułady płanujuć 240 młn rubloŭ nakiravać na zakupku 4 młn doz vakcyny ad karanavirusnaj infiekcyi.
Na zarpłatu biudžetnikam idzie kala 35% biudžetu. U nastupnym hodzie płanujuć pavialičyć bazavuju staŭku, dapamohu na azdaraŭleńnie z 0,5 da 1 akładu. Na zarpłaty rabotnikaŭ biudžetnaj śfiery nakirujuć kala 18 młrd rubloŭ.
