Fota ilustracyjnaje
Elektryfikacyja ŭčastka Kalinkavičy — Žłobin pačałasia ŭ 2018 hodzie. Za hety čas pabudavanyja dźvie ciahavyja padstancyi, try rajony kantaktnaj sietki, inšyja abjekty.
Dziakujučy hetaj linii, značna sprościcca čyhunačnaja kamunikacyja jak pamiž samimi hetymi nasielenymi punktami, tak i ź Minskam.
Udaskanalacca i hruzavyja pieravozki: u pieršym paŭhodździ budzie arhanizavany hruzavy ruch na elektraciazie sa stancyi Barbaroŭ, jakaja absłuhoŭvaje Mazyrski NPZ, u kirunku Kalinkavičy — Žłobin.
Raniej pres-słužba BČ paviedamlała, što z 28 śniežnia pa novaadkrytym maršrucie buduć kursiravać dva pasažyrskija ciahniki rehijanalnych linij biznes-kłasa — № 876/875 i № 874/873. Jany buduć adpraŭlacca z Kalinkavičaŭ u 6:02 i 18:22 adpaviedna, ź Minska — u 20:48 i 14:00.
Ciahniki buduć rabić prypynki na stancyjach Śvietłahorsk-na-Biarezinie, Žłobin, Čyrvony Bierah, Babrujsk, Asipovičy-1, Puchavičy.
Uładzimir Marozaŭ padčas adkryćcia novaj linii paviedamiŭ taksama, što Biełaruskaja čyhunka nabyła 10 sučasnych elektraciahnikoŭ. Šeść užo pastaŭlenyja, a čatyry pavinny być u pieršym paŭhodździ 2022 hoda.
Biełaruskaja čyhunka pryznačyła jašče 16 dadatkovych ciahnikoŭ u navahodnija i kaladnyja śviaty
