Ranicaj dyśpietčarka Lachavickaj aŭtastancyi paviedamiła ŭ milicyju, što sa stajanki aŭtastancyi źnik aŭtobus. Pa kamierach nazirańnia ŭdałosia vyśvietlić, što apoŭnačy nieviadomy chadziŭ pa parkoŭcy, zalez u adzin z transpartnych srodkaŭ, jaki praź niekatory čas pačaŭ ruch z adklučanymi farami.
Aŭtobus znajšli ŭ Dziaržynsku za 120 kiłamietraŭ ad Lachavičaŭ, a ŭhonščyka zatrymali. 27-hadovy mužčyna rastłumačyŭ, što pryjechaŭ da siabra ź Dziaržynska, a paśla toj źnik. U vyniku maładzion pozna viečaram vyrašyŭ pajechać dadomu, ale vyśvietliłasia, što pieršy aŭtobus budzie tolki ranicaj.
Tamu było vyrašana adpravicca dadomu samomu za styrnom skradzienaha aŭtobusa. Ciapier mužčynu pahražaje da 6 hadoŭ turmy.
Bieraściejec u aŭtobusie razzłavaŭsia na padletkaŭ i adnamu ź ich pahražaŭ nažom. Školniki jaho vysačyli
0
0
0
0
0
0
