Kiraŭnik upraŭleńnia suviaziaŭ z hramadskaściu kampanii A1 Mikałaj Bredzieleŭ byŭ zatrymany 10 śniežnia i asudžany da administracyjnaha aryštu. Praciahvaje ŭtrymlivacca ŭ izalatary, na siońniašni dzień źviestak pra jahony pracesualny status niama.
Anatol Šałkovič staŭ papularnym z-za svajoj zajavy ŭ videaroliku, raspaŭsiudžanym MUS, u jakim kazaŭ pra luboŭ da biełaha i čyrvonaha koleraŭ, pryvodziačy ŭ prykład pamidory sa śmiatanaj. Jon byŭ zatrymany 11 listapada i nieadnarazova pakarany administracyjnym aryštam.
Taćciana Batura była zatrymanaja 15 listapada ŭ Minharsudzie, kali chacieła trapić na pieršy sudovy praces pa spravie palitźniavolenaj Volhi Załatar. Abychodzilisia ź joj žorstka, jana była trojčy zapar asudžanaja da administracyjnaha aryštu.
Nie vyjšła na volu Taćciana i siońnia, paśla zakančeńnia 45 sutak źniavoleńnia. Blizkija čakali jaje kala Akreścina dźvie hadziny, ale tak i nie dačakalisia. Paśla nieadnarazovych zvarotaŭ maci da supracoŭnikaŭ izalatara jany adkazali, što Taćcianu ŭžo nibyta vyzvalili. Apošnim časam takoje «vyzvaleńnie» aznačaje, što pa vychadzie dziaŭčynu sustreli supracoŭniki Frunzienskaha RUUSa i advieźli na «prafiłaktyčnuju hutarku».
Tak i akazałasia: u Frunzienskim RUUSie blizkija daviedalisia, što na Taćcianu składzieny ŭžo čaćviorty zapar pratakoł, ale pa jakomu artykułu — nieviadoma. Mierkavana, zaŭtra nad dziaŭčynaj adbudziecca čarhovy sud.
Hł. taksama:
Ryhor Kastusioŭ i jašče piać čałaviek pryznanyja palitviaźniami
