Ułady Francyi pastrožyli antykavidnyja miery, paśla taho jak u krainie pačali vyjaŭlać bolš za 200 tysiač infikavanych Covid-19 za dzień.
Z 3 studzienia maski ŭ hramadskich miescach patrabujecca nasić u tym liku i dzieciam ad šaści hadoŭ.
Akramia taho, z 31 śniežnia ułady Francyi zrabili abaviazkovym našeńnie masak na vulicach Paryža ŭ publičnych miescach. Vyklučeńnie było zroblena dla tych, chto zajmajecca sportam, i ravarystaŭ. Raniej maski patrabavałasia nasić tolki ŭ pamiaškańniach.
U toj ža čas, pavodle acenak miedykaŭ, chvala zaražeńniaŭ, vyklikanaja štamam karanavirusa «amikron», nie niasie takoj niebiaśpieki, jak chvala «delty», papiaredniaja. Chvaroba ŭ bolšaści vypadkaŭ praciakaje biez uskładnieńniaŭ.
Uviadzieńnie masak dla dziaciej adbyvajecca ŭpieršyniu. Heta robicca dla taho, kab vyklučyć pierahruzku sistemy achovy zdaroŭja Francyi.
