Getty Images
Ličycca, što žyvioła znajšła skarb, adčajna šukajučy ježu minułaj zimoj, jakaja była vielmi surovaj. Rehijon tady nakryŭ mocny śniehapad padčas štormu «Fiłamiena», piša Bi-bi-si Ukraina.
U adčajnych sprobach znajści ježu žyvioła raskapała nievialikuju ščylinu kala svajho schovišča. Ale prymianieńnia starym manietam barsuk nie prydumaŭ, pakinuŭšy častku ź ich la svajho łohava.
Archieołahi znajšli 209 pradmietaŭ padčas naviedvańnia piačory Ła-Kuesta razam ź miascovym žycharom.
Kalekcyja maniet akazałasia sapraŭdnaj znachodkaj, jakaja datujecca prykładna 3-5 stahodździami našaj ery. Ličycca, što maniety byli vyrableny ŭ Kanstancinopali (Stambuł) i Sałonikach, raspavioŭ adzin z daślednikaŭ u kamientary ispanskaj haziecie El País.
Daśledčyki dadali, što heta samy vialiki na siońnia skarb rymskich maniet, znojdzieny ŭ piačory na poŭnačy Ispanii.
Inšyja maniety znajšli ŭ lasach Hrada ŭ 1930-ch hadach. Tady ŭ hetym rajonie znajšli 14 załatych maniet časoŭ praŭleńnia rymskaha impieratara Kanstancina I.
Daśledčy prajekt, jaki finansujecca Departamientam kultury pravincyi Asturyja, znachodzicca na pačatkovym etapie, i daśledčyki spadziajucca viarnucca ŭ hetuju miascovaść, kab pravieści dadatkovyja raskopki.
Ale pakul tolki barsuk viedaje, ci možna znajści jašče skarb.
