Fota z fejsbuka Siarhieja Hłušakova
Anatola Šałkoviča zatrymali 11 listapada. Na volu jon vyjšaŭ 10 studzienia.
«Pakajannaje videa» z udziełam Šałkoviča, vystaŭlenaje ŭ telehram-kanale MUS, zrabiłasia nadzvyčaj papularnym: mužčyna tłumačyŭ, što lubić spałučeńnie biełaha z čyrvonym, bo lubić pamidory sa śmiatanaj, a jaho žonka ryžaja, i heta taksama bieły z čyrvonym.
MUS tady prakamientavała zatrymańnie Anatola nastupnym čynam: «65-hadovy inžynier staličnaha pradpryjemstva arhanizavaŭ u padvale doma vytvorčaść pratesnaj simvoliki. Vyrablenyja ściahi mužčyna zakidvaŭ na drevy».
Moža, papularnaści siarod biełarusaŭ Šałkoviču i nie daravali. Jamu ŭvieś čas «dakidvali» sutki, u vyniku ŭ SIZA spadar Anatol pravioŭ 60 dzion.