Jahor Tubielevič. Fota: sacyjalnyja sietki

Jahor Tubielevič. Fota: sacyjalnyja sietki

Darja Tubielevič skončyła jurydyčny fakultet BDU ŭ 2021 hodzie. Dva kursy vučyłasia na dzionnym, paśla pierajšła na zavočnaje. Niejak prachodziła praktyku ŭ Śledčym kamitecie Čačerska. Ale jurystam ciapier nie pracuje — syšła ŭ SMM.

Dniami na jaje adras u Biełarusi pryjšoŭ list z SK. Heta rassyłka dla studentaŭ i vypusknikoŭ jurfaka z prapanovaj uładkavacca na pracu ŭ orhany.

«Kali vy majecie namier źviazać svoj prafiesijny vybar z pravaachoŭčaj śfieraj i razhladajecie dla siabie mahčymaść stać śledčym, zaprašajem vas źviarnucca ŭ Homielski haradski adździeł Śledčaha kamiteta», — napisana ŭ liście.

Pad im podpis načalnika Homielskaha adździeła SK Alaksandra Jeŭtuchova.

Kamičnaść situacyi ŭ tym, što jaje muž, błohier Jahor Tubielevič, prachodziŭ padazravanym pa kryminalnaj spravie — ab spynieńni ruchu ciahnikoŭ u Lidskim rajonie (pa artykule 309 Kryminalnaha kodeksa, naŭmysnaje pryviadzieńnie ŭ niepryhodnaść transpartu abo šlachoŭ znosin). Adsiedzieŭ 15 sutak, paśla čaho viasnoj 2021 hoda źjechaŭ ź Biełarusi razam ź siamjoj.

Darja i Jahor. Fota: sacyjalnyja sietki

Darja i Jahor. Fota: sacyjalnyja sietki

«Dasyłajuć zaprašeńnie i pry hetym nie praviarajuć infarmacyju pra toje, chto ty, dzie znachodzišsia (a my ŭžo bolš za 6 miesiacaŭ nie žyviem u Biełarusi), nie praviarajuć, ci jość u kaho ź blizkich kryminalnyja spravy, sudzimaść. Chacia, moža, ciapier im užo na heta naplavać z pryčyny taho, što nie chapaje kadraŭ? I možna zrabić vysnovu, što im plavać na tvaje viedy, pakolki moj siaredni bał byŭ pamiž 6 i 7. A ŭ SK z takim bałam, ja liču, dakładna brać nie pavinny», — kaža Darja.

«Nazvali moj kantent ekstremisckim». Biełaruskamoŭny błohier paśla sutak źjechaŭ z krainy

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?