Adnosna refierendumu — tolki bajkot:
«Nie treba chadzić. Nie treba rabić bačnaść, što surjozna adnosiacca da hetaha samazvanca. Nie treba jamu stvarać bačnaść lehitymnaści. Chaj jon vyrašaje sam jak zachoča. A jak jon zachoča, tak i vyrašyć. Heta nie budzie mieć nijakaha značeńnia. Treba prademanstravać niepadtrymku hetamu režymu».
Adnosna taktyki Cichanoŭskaj, NAK i Kaardynacyjnaj rady, kab «abviaścić votum narodnaha niedavieru, pryjści na ŭčastki i zrabić biuleteni niesapraŭdnymi lubym zručnym i dastupnym sposabam»:
«Tyja, jakija robiać vyhlad, što nie razumiejuć, i pačynajuć zaklikać, jany pracujuć nie na biełaruski narod, nie na Biełaruś, a pracujuć na Maskvu i na režym. Tamu hetaha rabić nie treba, kateharyčna. Heta prosta nierazumna».
Adnosna Kanstytucyi, ź jakoj vykinutyja zhadki pra niejtralnaść Biełarusi:
«Heta hałoŭnyja aśpiekty, dziela jakich Maskva choča, kab adbyŭsia hety refierendum. Dziela akupacyi im važna, kab nie było nijakich farmalnaściaŭ, jakija supiarečać, i tamu dla ich važna, kab nie było ŭ Kanstytucyi pytańnia pra niejtralitet, a kali adbudziecca akupacyja, važna siudy zavieźci jadziernuju zbroju, kab zrabić Biełaruś płacdarmam, ź jakoha možna budzie pačać vajnu i pa jakim udarać. Tamu heta vielmi brydkaja, hniusnaja maskoŭskaja palityka, jakaja vyhladaje takim čynam, jak byccam niezaŭvažna hetyja dva aśpiekty źnieści. A hetaje jość samaje važnaje».
Adnosna vierahodnaści rasijska-ŭkrainskaj vajny:
«Ja dumaju, što na bližejšy čas vierahodnaść nievialikaja. Ja liču, što heta adciahnieny manieŭr, na jaki klunuŭ uvieś Zachad, a realnaść takaja — pad hetuju traskatniu pra ŭkrainska-rasiejskuju vajnu adbyłasia akupacyja Biełarusi. Uviedzienaje vojska. Praces hety praciahvajecca. Pavinny pryjechać siudy 200 ciahnikoŭ pa 50 vahonaŭ. Heta ŭ siarednim budzie 80-100 tysiač žyvoj siły. Plus usia technika. Prapisana ŭsio, što jany buduć rabić. Heta adpracoŭka achovy dziaržaŭnych pradpryjemstvaŭ — zavodaŭ, ustanoŭ i h.d. Prapisany ŭvieś płan akupacyi.
I takim čynam pad traskatniu ab niebiaśpiecy Ukrainy, adbyłasia akupacyja Biełarusi. Hety stratehičny bałkon užo ŭ rukach Pucina. I NATA nie razumieje, što adbyłosia. Adbyłasia akupacyja Biełarusi. I, kaniešnie, hetaje vojska zastaniecca nadoŭha. Heta pahroza Ukrainie, heta pahroza Polščy. I moža adbycca kalininhradski kalidor. Heta pytańnie paŭdnia. Voś što adbyvajecca. I čaho absalutna nie razumieje Zachad i NATA».
