Fota RBK — Ukraina
«Pradastaŭleńnie elektryčnaj mahutnaści ažyćciaŭlajecca pa zapycie ŭkrainskaha boku 25 studzienia z 11.00 da 18.00 u ramkach dvuchbakovaha dahavora ab akazańni avaryjnaj dapamohi», — havorycca ŭ paviedamleńni Minenierha Biełarusi.
Pavodle źviestak biełaruskaha boku, maksimalnaja mahutnaść składzie 150 MVt.
25 studzienia z-za aŭtamatyki byŭ adklučany 1-y enierhabłok Chmialnickaj AES. Taksama z-za razhiermietyzacyi trubapravoda čakajecca spynieńnie enierhabłoka №4 Zaparožskaj AES.
RBK-Ukraina nahadvaje, što dumki ukraincaŭ adnosna kupli elektraenierhii ŭ Biełarusi padzialilisia. 32,4% respandentaŭ ličać, što heta nieabchodna, kab paźbiehnuć adklučeńniaŭ. Ź inšaha boku, 33,5% ličać heta niebiaśpiečnym, bo Biełaruś i Rasija ŭtvarajuć sumiesnuju Sajuznuju dziaržavu, a jašče 9,8% ličać heta niedapuščalnym, uličvajučy toje, što heta źjaŭlajecca padtrymkaj režymu Alaksandra Łukašenki. Pry hetym, čverć respandentaŭ (24,3%) nie zmahli vyznačycca sa svaim mierkavańniem.
