— Prykładna try miesiacy ŭ Minsku isnuje telehram-kanał Kinky Party. I praktyčna štotydzień tam publikujucca anonsy viečarynak pa piatnicach i subotach. Spasyłkaj sa mnoj padzialiŭsia siabar, — uvodzić u kurs spravy Maksim, u hetaj historyi jon ličyć siabie paciarpiełym.

Vyvučyŭšy prapanovu, chłopiec vyrašyŭ, što takija niezvyčajnyja mierapryjemstvy vartyja taho, kab ich naviedać. Praz huhł-dakumient zarehistravaŭsia na adnu ź viečarynak, dzie «ludzi vyrašajuć vyjści za zvykłyja ramki i pasprabavać niešta novaje». Dalej u tekście nie raz paŭtarajucca słovy «svaboda», «žarść», «flirt».

«Možna pacałavacca ź nieznajomcam abo nieznajomkaj, flirtavać, tancavać u adkrytym stroi, ruchacca ŭ takt muzycy — vy volnyja rabić usio, što zachočacie. Pa ŭzajemnaj zhodzie i ŭ miežach zakanadaŭstva RB», — padkreślivajecca ŭ anonsie. Dakładnaje miesca praviadzieńnia viečarynki zahadzia haściam nie paviedamlajuć, a kamunikacyja stroha ŭ Telehramie.

Paśla taho jak minčuk zarehistravaŭsia na viečarynku, ź im źviazaŭsia mieniedžar i paprasiŭ zrabić pieradapłatu na rasijskuju bankaŭskuju kartku.

— Ja pieravioŭ 150 rubloŭ, paśla hetaha ŭ pierapiscy mnie paabiacali skinuć kvitki, a taksama dakładnaje miesca. Ale vielmi chutka mianie prybrali z hrupy, a mieniedžar vydaliŭ asabistuju pierapisku sa mnoj. Ja pačaŭ huhlić — hetyja viečarynki pravodziacca ŭ Rasii i nie zabaronienyja zakanadaŭstvam. A pra Minsk vodhukaŭ niama — ni stanoŭčych, ni admoŭnych. Nivodnaha vodhuku za try miesiacy, ni adnaho artykuła ab machlarstvie. Ja što, adzin vyčvareniec na ŭvieś horad? — ździŭlajecca chłopiec.

Kinky Party — sapraŭdy papularny prajekt u Rasii, jaki pracuje ŭžo piać hadoŭ. Arhanizatary adkryta razdajuć intervju — pra kaściumiravanyja viečarynki 18+ pisali mnohija rasijskija miedyja. Jak raspaviadajuć žurnalisty, «seksam unutry asabliva nie pachnie, usio chutčej nahadvaje viečarynu ŭ Dzień usich Śviatych abo źlot kaspłejeraŭ». Na sajcie prajekta raźmieščany manifiest, apisanyja kaštoŭnaści i praviły. Adno ź ich — rabić usio, što zachočacie, ale «ŭ ramkach zakanadaŭstva RF».

Onliner napisaŭ na elektronnuju poštu prajekta z pytańniem, ci pravodziacca viečarynki pad brendam Kinky ŭ Minsku. Pradstaŭniki rasijskaj kampanii adkazali, što im pra heta ničoha nie viadoma.

— Baimsia, što heta ašukancy — jakija karystajucca našym brendam, — zajavili ŭ kampanii.

Z anonsaŭ zrabili vysnovu, što ŭ Minsku ciapier sprabujuć pradavać dva typy viečarynak. Jość varyjant «łajt», za ŭdzieł u jakim prosiać 100 rubloŭ. A asnoŭnuju prahramu aceńvajuć u 150 rubloŭ.

— Ja dumaju, što paciarpiełyja nie źviartajucca ŭ milicyju, bo žanatyja i nie chočuć usiu hetuju historyju afišavać. Heta hienijalnaja schiema, — razvažaje Maksim.

Redakcyja Onliner pasprabavała vyjści na suviaź z administrataram biełaruskaha telehram-kanała. Zadali pytańnie, jak možna zarehistravacca na viečarynku, ale naš intares praihnaravali-mieniedžar ničoha nie adkazaŭ.

U Biełarusi za arhanizacyjaj intym-viečarynak pilna sočyć MUS. Šmat chto pamiataje hučnuju historyju, kali ŭ 2018 hodzie ŭ adzin z pryvatnych damoŭ u Baraŭlanach raptam ulacieli apieratyŭniki. Hości mierapryjemstva ŭ adkrytych strojach trapili na videa, a na arhanizataraŭ zaviali kryminalnuju spravu. Udzielniki paźniej apraŭdvalisia, što ni prastytutak, ni raspaŭsiudžvańnia narkotykaŭ, ni vytvorčaści parnahrafičnaj pradukcyi na mierapryjemstvach nie było, a intym adbyvaŭsia tolki pa ŭzajemnaj zhodzie.

A niadaŭna ŭ MUS raspaŭsiudzili infarmacyju, što ŭ Minsku kvitnieje novy vyhlad machlarstva, źviazany ź intym-pasłuhami. Mužčynam prapanujuć zrabić pieradapłatu za sustreču ź dziaŭčynaj, a paśla pieravodu hrošaj ašukancy źnikajuć ci pačynajuć zajmacca šantažom.

Seksołah nazvaŭ pryčynu papularnaści zapatrabavanaha ŭ Biełarusi i Rasii žanra porna

Kim Kardašjan paśla razvodu praciahvaje pravakavać

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?