Fota ilustracyjnaje, tomwang / depositphotos.com

«U nastupnym miesiacy zapłanavanaja testavaja praca enierhasistemy ŭ izalavanym režymie padčas prachodžańnia zimovych maksimumaŭ nahruzki. Praduhledžanaje praviadzieńnie sistemnych vyprabavańniaŭ pracy enierhasistem Ukrainy i Małdovy ŭ składzie adzinaha błoka rehulavańnia ŭ izalavanym ad sinchronnaj zony krain SND i Bałtyi režymie»,

— skazaŭ ukrainski premjer.

Akramia taho, Šmyhal dadaŭ, što «ciapier idzie aktyŭnaja praca pa intehracyi enierhasistemy Ukrainy ź jeŭrapiejskaj sistemaj ENTSO-E».

Dzianis Šmyhal zapeŭniŭ, što ŭ cełym enierhasistema Ukrainy pracuje stabilna, u krainie dastatkova enierharesursaŭ, kab prajści aciaplalny siezon. Pry hetym, pavodle jaho słoŭ, za 25 dzion studzienia spažyvańnie elektraenierhii pieravyšaje spažyvańnie za adpaviedny pieryjad 2021 hoda na 5%.

Asnoŭnuju nahruzku niasuć atamnyja elektrastancyi, ciapier pracujuć 14 z 15 błokaŭ AES. A ŭ pačatku lutaha zapłanavanaje zaviaršeńnie płanavaha biahučaha ramontu čaćviortaha enierhabłoka Rovienskaj AES i ŭklučeńnie jaho ŭ sietku, što zabiaśpiečyć pracu 15 błokaŭ atamnych stancyj.

Ale pakul Ukraina niaredka musić źviartacca i da zakupak biełaruskaj elektraenierhii. 

Niekalki dzion tamu, 25 studzienia, z-za spracoŭvańnia aŭtamatyki byŭ adklučany 1-y enierhabłok Chmialnickaj AES, i ŭkraincy musili prasić dadatkovych pastavak enierhii ź Biełarusi. «Pradastaŭleńnie elektryčnaj mahutnaści ažyćciaŭlajecca pa zapycie ŭkrainskaha boku 25 studzienia z 11.00 da 18.00 u ramkach dvuchbakovaha dahavora ab akazańni avaryjnaj dapamohi», — havaryłasia ŭ paviedamleńni Minenierha Biełarusi.

Pry hetym RBK-Ukraina nahadvała, što dumki ukraincaŭ adnosna kupli elektraenierhii ŭ Biełarusi padzialilisia. 32,4% respandentaŭ ličać, što heta nieabchodna, kab paźbiehnuć adklučeńniaŭ. Ź inšaha boku, 33,5% ličać heta niebiaśpiečnym, bo Biełaruś i Rasija ŭtvarajuć sumiesnuju Sajuznuju dziaržavu, a jašče 9,8% ličać heta niedapuščalnym, uličvajučy toje, što heta źjaŭlajecca padtrymkaj režymu Alaksandra Łukašenki. Pry hetym, čverć respandentaŭ (24,3%) nie zmahli vyznačycca sa svaim mierkavańniem.

Čytajcie taksama:

Ukraina pačała avaryjny impart elektraenierhii ź Biełarusi

Biełaruś pačała pastaŭku elektraenierhii va Ukrainu. Ale heta nie doŭhaterminovy kantrakt

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?