Manitorynh, pa słovach Siarhieja Padkavyrava, achoplivaŭ 9 miedycynskich ustanoŭ u roznych rajonach horada.
«Naviedali palikliniki, u tym liku «čyrvonyja» zony dla pacyjentaŭ z tempieraturaj, prykmietami vostraj reśpiratornaj infiekcyi.
Čerhaŭ na vulicy niama. Usie pacyjenty znachodziacca ŭ budynku, u ciaple. Bolš za 10-15 čałaviek na čatyry pracoŭnyja kabiniety my nidzie nie bačyli. U siarednim heta piać-šeść čałaviek na kabiniet tam, dzie ludzi pryjšli.
Usiudy dastatkova infarmacyjnych pakazalnikaŭ, heta značyć nichto nie hublajecca, usie viedajuć, kudy iści. Miedycynski piersanał pracuje spakojna, robić svaju spravu, takoha, jak učora, łavinapadobnaha popytu niama. Zvyčajnaja nahruzka», — raskazaŭ Padkavyraŭ.
Pa słovach miedycynskaha čynoŭnika, u paliklinikach niama ažyjatažu, idzie płanavaja praca:
«Na siońnia absalutna spakojnaja situacyja, usio pracuje ŭ štatnym režymie. Miedyki viedajuć, što rabić, a pacyjenty prychodziać i atrymlivajuć patrebnuju im miedycynskuju dapamohu».
Čytajcie taksama:
U Minsku davodzicca doŭha čakać chutkuju — čamu tak?
Što siońnia adbyvajecca ŭ paliklinikach FOTY
Katastrofa ŭ paliklinikach. Hihanckija čerhi na čatyry-šeść hadzin, sotni ludziej u kalidorach u paniadziełak
Hałoŭnaja pa achovie zdaroŭja ŭ Minsku: Padčas siońniašnich čerhaŭ ciažkaha praciakańnia zachvorvańnia vyjaŭlena nie było
Miedyki taksama chvarejuć. Minzdaroŭja raskazała, jak vyrašajuć pytańnie ź niedachopam daktaroŭ
