Hetaje i astatnija foty: 81wawpl.com.
Aŭtaram prajekta z architekturnaj studyi 81.waw.pl dastałasia nie samaja prostaja zadača. Jany pavinny byli zbudavać dom na vielmi doŭhaj, ale ž i vielmi vuzkaj pałoscy. Inviestar žadaŭ, kab novy budynak dobra spałučaŭsia z chvajovym lesam, u jakim vydzieleny ŭčastak, i kab harmonija krajavidu nie była parušanaja, piša onet.pl.
U vyniku atrymaŭsia manumientalny dom, padzieleny na asobnyja častki ŭ formie paralelepipiedaŭ. Tam, dzie častki doma spałučajucca adna z adnoj, architektary pasadzili vokny. Kab jašče lepš upisać dom u navakolnaje asiarodździe, bolšuju častku fasada ašalavali hładkim drevam, a astatniuju častku fasada pakryli šeraj tynkoŭkaj.
Na frantalnym fasadzie, jak i z boku haraža, akon niama, tamu z hetych bakoŭ budynak vyhladaje vielmi futurystyčna. Ale ž zadniaja častka doma robić zusim inšaje ŭražańnie. Tam architektary raźmiaścili šmat akon i prastornuju terasu z pryhožym vidam na sad.
Kali čałaviek uvachodzić u dom, jon akazvajecca ŭ prastornaj dvuchpaviarchovaj zale, što prylahaje da ŭnutranaha dvoryka. Astatnija ścieny całkam zašklonyja, što dazvalaje dobra aśviatlić hetuju častku doma.
Jak ličyć architektarka Anna Paškoŭska-Hrudzionž, adna z aŭtaraŭ prajekta, vialikija vokny stvarajuć cudoŭnuju harmoniju pamiž interjeram doma i lesam vakoł budynka, a taksama pakazvajuć, jak čałaviek moža žyć u ciesnaj suviazi z pryrodaj.
Vydzialeńnie ŭčastkaŭ dla budaŭnictva ŭ lasach — zvykłaja sprava dla mnohich krain. U Biełarusi, adnak, takoje dazvalajecca tolki ŭ vyklučnych vypadkach.
