Sieviaryna Kviatkoŭskaha zatrymali 19 studzienia. Jon tolki viarnuŭsia z Polščy, dzie pražyŭ paŭhoda.
Zatrymali piśmieńnika za pierapost u sacsietkach rolika, «u zahałoŭku jakoha była abraza supracoŭnika bresckaj milicyi». Pra heta jon skazaŭ u «pakajannym» videa, jakoje źniali milicyjanty.
22 studzienia Kviatkoŭskaha vypuścili na volu ŭ Pinsku. Paśla vychadu z-za krataŭ jon paviedamiŭ, što na jaho pačali kryminalnuju spravu.
Sieviaryn Kviatkoŭski — viadomaja asoba ŭ biełaruskaj žurnalistycy, intelektualistycy i piśmienstvie.
Jon pracavaŭ žurnalistam na «Radyjo 101,2» (1995—1996), u hazietach «Imia» (1995—1996) i «Naša Niva» (1996—1999), u biełaruskaj redakcyi «Polskaha radyjo» (1997—1998), na «Radyjo Racyja» (1999—2002) i «Radyjo Svaboda» (2002—2008). Byŭ redaktaram hramadskaha błoha «Budźma biełarusami!» (2008—2012). Z 2012-ha byŭ publicystam «Radyjo Svaboda».
