Fota: depositphotos.com
Źmieny zakranuć spažyŭcoŭ, jakija karystajucca hazavym aciaplalnym abstalavańniem (katłami) i pryborami indyvidualnaha ŭliku raschodu hazu.
Ciapier «zimovy» taryf nižejšy, «letni» — naadvarot. Takaja praktyka zachavajecca da červienia biahučaha hoda.
Ci vyraście płata za haz u cełym paśla pierachodu na adziny taryf?
Śpiecyjalisty Minhaza praanalizavali mahčymyja vypłaty. U jakaści prykładu razhledzieli pryvatny žyły dom płoščaj 110 kv. m. Hadavoje spažyvańnie hazu skłała 2 715 kub. m ‒ 2297 kub. m u aciaplalny pieryjad i 418 kub.m u letni.
Pa dyfierencyravanych taryfach, što dziejničajuć u 2022 h., vyjšła 569,6 rubla — 343,2 rubla ŭ aciaplalny pieryjad i 226,4 rubla — u letni.
Pa adzinym taryfie atrymałasia 536,7 rubla za hod, što na 32,9 rubla mienš, čym pry apłacie pa roznych taryfach, ale heta, kali adziny taryf nie pavysiać.
