Fota: MZS Rasii

Fota: MZS Rasii

«Ja znoŭ vielmi vyrazna rastłumaču našu pazicyju: jak partnior Ukrainy ŭ ES, NATO i G7 my biez usialakich ahavorak vystupajem za terytaryjalnuju cełasnaść krainy i na baku naroda Ukrainy», — zajaviła jana ŭ paniadziełak, 7 lutaha, pierad adjezdam va Ukrainu z dvuchdzionnym vizitam, paviedamlaje Deutsche Welle.

«Na lubuju dalejšuju ahresiju Rasii ŭ dačynieńni da Ukrainy my sumiesna adkažam žorstkimi, vielmi kankretnymi mierami», — zapeŭniła Bierbak, nie ŭdakładniŭšy, ci buduć hetyja kroki ŭ adkaz ŭklučać admovu Niamieččyny ad rasijskaha hazapravoda»Paŭnočny patok — 2».

Pa słovach hiermanskaha ministra, ździajśniajučy ŭžo druhuju pajezdku va Ukrainu mienš čym za miesiac, jana praciahvaje «toje, čym zajmajecca dypłamatyja: namahańni pa mirnaj razradcy niebiaśpiečnych kanfliktaŭ», adnak pa tym, jak u apošnija tydni raźvivajecca situacyja pamiž Ukrainaj i Rasijaj, «možna było zrazumieć, što heta nie tak prosta».

«U toj ža čas, nazirajučy za raźmiaščeńniem rasijskich vojskaŭ u prymiežnaj z Ukrainaj zonie, vajennymi manieŭrami i inšymi pahroźlivymi žestami i pravakacyjami, my ŭsie ŭśviedamlajem, što pastaŭlena na kartu: na kartu pastaŭlena nie što inšaje, jak mir u Jeŭropie», — padkreśliła kiraŭnica MZS Hiermanii.

Bierbak vykazała zachapleńnie razvažlivaściu, ź jakoj ludzi va Ukrainie dziejničajuć u niebiaśpiečnaj situacyi: «Jany žyvuć u pastajannym strachu eskałacyi, sprabujučy pieražyć jašče adnu zimu ŭ ciažkaj humanitarnaj situacyi, nie bačačy pierśpiektyŭ, i ŭsio heta ŭ centry Jeŭropy».

U Kijevie Bierbak naviedaje miemaryjał u pamiać ab achviarach Haładamoru 1932-1933 hadoŭ, a taksama vajenny špital u Kijevie, finansavuju padtrymku jakomu akazvaje Niamieččyna.

Čytajcie taksama:

Kancler Niamieččyny: U vypadku ahresii suprać Ukrainy Rasiju čakajuć vielmi žorstkija sankcyi

Клас
0
Панылы сорам
0
Ха-ха
0
Ого
0
Сумна
0
Абуральна
0