Šaścihadovy chłopčyk, žychar stalicy, zahinuŭ u vyniku darožna‑transpartnaha zdareńnia ŭ Niaśvižskim rajonie Minskaj vobłaści.
Jak paviedamili va ŭpraŭleńni Dziaržaŭtainśpiekcyi MUS, trahiedyja adbyłasia ŭviečary 9 žniŭnia ŭ vioscy Karolina. Na dzicia, jakoje znachodziłasia na prajeznaj častcy, učyniŭ najezd aŭtamabil «Tajota», jakim kiravała 27‑hadovaja minčanka.
Uviečary 8 žniŭnia ŭ Drahičynie (Bresckaja vobłaść) skuter, jakim kiravaŭ 16‑hadovy vučań 10‑kłasa, pierakuliŭsia na prajeznaj častcy. Ad atrymanych cialesnych paškodžańniaŭ padletak pamior na nastupny dzień u balnicy.
Usiaho za minułyja vychadnyja ŭ Biełarusi zarehistravana 49 DTZ, u jakich 16 čałaviek zahinuli i 58 — atrymali ranieńni.
