Na ŭskrainie vioski Mulary (Vilejski rajon) 10 žniŭnia adbyłosia adkryćcio adrestaŭravanaha niamiecka‑rasijskaha pachavańnia sałdat Pieršaj suśvietnaj vajny. Mohiłki byli adnoŭleny siłami Niamieckaha narodnaha sajuza Hiermanii.
Niamiecki narodny sajuz pa dohladzie za vajennymi pachavańniami byŭ stvorany ŭ 20‑ia hady minułaha stahodździa ŭ horadzie Kasiel. U jaho ŭvachodzili byłyja sałdaty, čyje tavaryšy zahinuli ŭ bajach na roznych frantach.
Pry dobraŭparadkavańni pachavańniaŭ sajuz nie robić roźnicy pamiž svaimi i čužymi sałdatami. Śmierć na poli boju ŭraŭnavała ich. Byłyja vorahi majuć adnolkavyja pomniki i niaredka spačyvajuć pobač na adnych mohiłkach.
U cyrymonii adkryćcia adrestaŭravanaha pachavańnia ŭ Vilejskim rajonie ŭziali ŭdzieł vajenny ataše pasolstva Hiermanii ŭ Biełarusi pałkoŭnik Kłaus Virts, pradstaŭniki Uzbrojenych sił Biełarusi, Narodnaha sajuza Hiermanii, partniora sajuza TDA «Maniemal», miascovych vykanaŭčych orhanaŭ, katalicki i pravasłaŭny śviatary, supracoŭniki Vilejskaha krajaznaŭčaha muzieja, vieterany i žurnalisty.
Tak vyhladała pachavańnie da restaŭracyi.
0
0
0
0
0
0
