17 lutaha i 19 lutaha rasijskija vajennyja praviaduć bajavyja strelby ŭ Biełarusi. Paśla zaviaršeńnia vučeńniaŭ jany viernucca ŭ miescy pastajannaha bazavańnia.
17 lutaha Alaksandr Łukašenka padčas naviedvańnia vučeńniaŭ «Sajuznaja rašučaść — 2022» na palihonie «Asipovicki» zajaviŭ, što «viarnuć rasijskich vajskoŭcaŭ u miescy pastajannaj dysłakacyi možna za sutki, ale jany buduć u Biełarusi kolki treba». Pytańnie vyvadu rasijskich vojskaŭ z terytoryi Biełarusi jon źbiraŭsia abmierkavać 18 lutaha na sustrečy z Uładzimiram Pucinym.
