Ciahnik u Miekie. Fota: depositphotos.com.
Na abjavu ab nabory 30 žančyn, ź jakich płanujuć zrabić kiroŭcaŭ ciahnikoŭ, saudaŭskija čyhunačniki atrymali 28 tysiač zajavak. Heta padkreślivaje, nakolki vysoki popyt na takija vakansii ŭ dziaržavie, dzie tolki pačali davać žančynam bolš svabody ŭ vybary pracy, piša Guardian.
Vakansii dla žančyn pradstaviła ispanskaja kampanija Renfe, što pracuje ŭ Saudaŭskaj Aravii. Jaje pradstaŭniki tłumačać, što paśla acenki adukavanaści žančyn i ich viedańnia anhlijskaj movy atrymałasia źnizić kolkaść pretendentak prykładna ŭ dva razy. Da siaredziny sakavika čyhunačniki spadziajucca adabrać kančatkovyja 30 kandydatak.
Hetyja žančyny hod buduć vučycca, pryčym kampanija budzie vypłočvać im zabieśpiačeńnie.
Paśla hetaha žančyny pačnuć pracavać na vysakachutkasnych ciahnikach pamiž haradami Mieka i Miedzina.
Da niadaŭniaha času saudaŭskija žančyny mahli vybirać dla siabie adnu ź niešmatlikaha śpisu prafiesiju — naprykład, nastaŭnicy ci doktarki. Ale za apošnija piać hadoŭ kolkaść žančyn siarod pracoŭnaha nasielnictva krainy pavialičyłasia da 33%.
Tym nie mienš, zachodnija pravaabaroncy adznačajuć parušeńni pravoŭ čałavieka ŭ Saudaŭskaj Aravii. Pad pieraśled miascovych uładaŭ traplali ŭ tym liku dziasiatki aktyvistaŭ, što zmahalisia za žanočyja pravy.
Stalica Tajłanda atrymaje inšuju nazvu
Mužčyna zrabiŭ sełfi ź ciažarnaj žonkaj na krai skały. A potym skinuŭ jaje ŭniz
