Fota: pres-słužba Łukašenki

Fota: pres-słužba Łukašenki

«Łukašenka karystajecca situacyjaj, kab atrymać kampiensacyju i dapamohu»

«Supraćstajańnie Zachadu było asnoŭnym lejtmatyvam vystupu pierad žurnalistami. Na hetaj hlebie adbyvajecca supracoŭnictva i pracesy intehracyi. To-bok Biełaruś patrebna Rasii ŭ hetym kantekście, i tamu Maskva hatova padtrymlivać Łukašenku», — ličyć palitołah Valer Karbalevič.

Jon źviartaje ŭvahu, što pa vynikach sustrečy prahučała zajava pra budaŭnictvie porta ŭ Leninhradskaj vobłaści, praź jaki budzie adbyvacca tranzit kalijnych uhnajeńniaŭ.

«Vajna z Zachadam — toje, što abjadnoŭvaje dźvie krainy. Biełaruś — adziny sajuźnik u hetym pytańni dla Rasii. Nieabaviazkova heta haračyja bajavyja dziejańni, ale vajna niervaŭ, infarmacyi, dypłamatyi», — zaŭvažaje Valer Karbalevič.

Toje, što šmat času było pryśviečana pytańniu sankcyj, palitołah ličyć śviedčańniem ich upłyvu na ekanomiku Biełarusi: «U adkaz Łukašenka karystajecca situacyjaj, kab atrymać kampiensacyju i dapamohu. A Rasija hatova iści nasustrač. Bo ŭ situacyi vajny nie ličacca z drobiaziami, a hulajuć pa-bujnomu».

Ale ž, nahadajem, pakul pramych hrošaj dla Biełarusi nie vyłučana. Bolš za toje, za niekalki dzion da vizitu ŭ Maskvu było zajaŭlena, što kraina nie atrymaje ad Jeŭrazijskaha fondu stabilizacyi i raźvićcia 3,5 miljarda dalaraŭ, jakija prasiła.

«Havorka išła pra fond stabilizacyi, adnak kredyt moža być atrymany, naprykład, ad uradu Rasii. Mahčymy inšyja varyjanty. Heta nie kančatkovaje rašeńnie, i ja b pačakaŭ, kab rabić vysnovy», — kaža Valer Karbalevič.

«Chočacca trymać sajuźnika na karotkim łancužku, a nie davać jamu adčuvańnie, byccam jon atrymaŭ kart-błanš na vialikuju aŭtanomiju»

Palityčny analityk Arciom Šrajbman zhodny ź mierkavańniem, što havorka ab sankcyjach śviedčyć ab ich uździejańni na ekanomiku: «Toje, što pakul heta niezaŭvažna ŭ ličbach, chutčej šancavańnie, źviazanaje z ekspartnym cudam».

Emacyjanalny charaktar vystupu Łukašenki, na dumku analityka, nie adroźnivajecca ad papiarednich sumiesnych bryfinhaŭ i pres-kanfierencyj: «Ukrainskuju situacyju jon kamientuje z takim naporam, kab prademanstravać łajalnaść i padkreślić salidarnuju pazicyju, adzinstva Minska i Maskvy ŭ hetym pytańni».

Arciom Šrajbman ličyć, što kankretyki nakont ekanamičnaj padtrymki amal nie prahučała, akramia budaŭnictva porta: «Nazvać heta padtrymkaj składana. Chutčej, uzhadnieńnie biełaruskaha zapytu».

«Vyłučeńnie mienšaha kredytu, čym choča Biełaruś, śviedčyć ab tym, što pazicyja Rasii nie mianiajecca, — miarkuje analityk. — Minsk zaraz nie znachodzicca pad ryzykaj defołtu. Jość kredytna-valutnyja reziervy, jakich na hety hod chopić. Tamu vyłučajecca nieabchodny minimum. Chočacca trymać sajuźnika na karotkim łancužku, a nie davać jamu adčuvańnie, byccam jon atrymaŭ kart-błanš na vialikuju aŭtanomiju».

«Ci nie apyniecca zaŭtra Łukašenka ŭ Krymie, jaki Rasija ličyć svajoj terytoryjaj?»

Jak zaŭvažaje palityčny ahladalnik Alaksandr Frydman, nie dadzieny adkaz na hałoŭnaje pytańnie — ab vyvadzie vojskaŭ paśla zakančeńnia vučeńniaŭ «Sajuznaja rašučaść — 2022».

«Ni Pucin, ni Łukašenka heta nie ŭzhadali. To-bok važny aśpiekt vyniesieny za dužki. Što budzie adbyvacca zaŭtra (było anansavana ŭdzielnictva ŭ «surjoznym mierapryjemstvie») — nieviadoma. Intryha zachoŭvajecca.

Łondanskaje vydańnie The Guardian paviedamlaje, što Łukašenka prymie ŭdzieł u vučeńniach siłaŭ stratehičnaha strymlivańnia, padčas jakich adbuducca puski balistyčnych i kryłatych rakiet. Takim čynam Maskva vyvodzić Łukašenku i Biełaruś na novy ŭzrovień supraćstajańnia z Zachadam», — miarkuje ahladalnik.

Jon zaŭvažaje, što zaraz Łukašenka imkniecca być bolšym rasijaninam, čym sami rasijanie.

«Kaža toje, što padabajecca druhomu boku. Padčas padychodu da presy jon vystupaŭ z davoli ahresiŭnaj rytorykaj. Zaŭvažcie, što vostryja zajavy ŭ dačynieńni da Zachadu byli skazany im, a nie Pucinym», — kaža Frydman.

Mnohija źviarnuli ŭvahu na pytańnie žurnalista «Kommiersant» ab viečnym prezidenstvie, ale Alaksandr Frydman ličyć, što bolš cikavym było pytańnie karespandentki biełaruskaha telekanała. Bo, chutčej za ŭsio, jano było ŭzhodniena zahadzia.

«A spytałasia žurnalistka pra sankcyi, a nie pra vojski, — źviartaje ŭvahu analityk. — Peŭna ekanamičny cisk cikavić Łukašenku bolš za ŭsio. A što tyčycca eskałacyi vakoł Ukrainy, to imavierna, jany vyrašyli praciahvać intryhu».

Pa słovach ahladalnika, z nahody paharšeńnia situacyi va Ukrainie (abvieščana evakuacyja z samaabvieščanych ŁNR i DNR) prahučaŭ šerah žorstkich zajavaŭ zachodnich palitykaŭ. U pryvatnaści, MZS Hiermanii vykazałasia, što ŭ vypadku vajennych dziejańniaŭ «Paŭnočnaha patoku — 2» nie budzie.

Alaksandr Frydman zadaje pytańnie, dzie apyniecca zaŭtra Łukašenka: «Ci nie budzie heta Krym, jaki Rasija ličyć svajoj terytoryjaj?»

Kali ž analizavać toje, što ciapier adbyvajecca pamiž tryma ŭschodniesłavianskimi krainami, to ahladalnik nazyvaje heta razychodžańniem šlachoŭ.

«Ukraina praz pakuty imkniecca da jeŭrapiejskich i demakratyčnych kaštoŭnaściaŭ. Pryčym nazirajecca pierajemnaść u hetym pytańni: Parašenka i Zialenski — absalutna roznyja prezidenty, kožny sa svaim bekhraŭndam, adnak kirunak zamiežnaj palityki nie źmianiŭsia.

A Rasija i Biełaruś iduć da nieasavieckaj dyktatury. RF ža nie choča prymać ukrainski vybar, i atrymlivajecca toje, što my nazirajem, — ličyć Frydman. — Sproby Łukašenki zajmać niejtralnuju pazicyju skončylisia. Zaraz jon całkam hulaje na baku Maskvy».

Analityk paŭtaryŭ prahnoz, jaki daŭ u intervju «Našaj Nivie»: «Heta apošniaja hulnia Łukašenki. Pytańnie tolki ŭ tym, nakolki jana budzie praciahłaj. Šancaŭ syści z vybranaha viektaru niama, i jon heta razumieje».

«Zaraz my sa starejšym bratam paraimsia i vyrašym». Pra što havaryli Łukašenka i Pucin padčas pieramovaŭ

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?